The news is by your side.

Advertisement

نواز حکومت سے کوئی امید نہ رکھیں یہ نااہل ہیں،آصف علی زرداری

پشاور: پاکستان پیپلز پارٹی کے شریک چیئرمین اور سابق صدر آصف زرداری کا کہنا ہے کہ نواز حکومت سے کوئی امید نہ رکھیں یہ نااہل ہیں، چاہتا ہوں کسان اورغریب کا بیٹا میرا منسٹرہو۔

پاکستان پیپلز پارٹی کے شریک چیئرمین اور سابق صدر آصف علی زرداری نے گرینڈ جرگے سے خطاب کرتے ہوئے کہا کہ نواز حکومت سے کوئی امید نہ رکھیں یہ نااہل ہیں، جوش سے نہیں ہوش سے پارٹی چلے گی، کچھ بھٹو صاحب ،کچھ بی بی نے اور کچھ ہم نے کہا، ہم نے جو کچھ کیا وہ آپ کے سامنے ہے ، چاہتا ہوں کسان اورغریب کا بیٹا میرا منسٹرہو۔

آصف زرداری نے کہا آج کے بچے کل کے ووٹر ہیں، انھیں پارٹی کا جھنڈا لیکر نکلنا ہے، پیپلزپارٹی کو ہریونین کونسل میں فعال کرنا ہے ، ہم نے اپنے دور میں پولیٹیکل پارٹیز ایکٹ منظور کرایا، چاہتے ہیں فاٹا خیبرپختونخوا میں ضم ہوجائے ، فاٹا کو گورنر کا غلام نہیں دیکھنا چاہتے ، فاٹا کو صدر اور گورنر کا غلام نہیں دیکھناچاہتے.

بلاول اور آصفہ اور میں ، ہم سب میدان میں ہوں گے

انھوں نے کہا کہ مانتا ہوں ہمارا کوئی وزیر غریب کا بیٹا نہیں تھا، چاہتاہوں فاٹا میں بھی سپریم کورٹ،ہائی کورٹ ہو، فاٹا میں ایم پی اے ہوگا تو وہ عوام کا نمائندہ ہوگا، نوازشریف کی حکومت نے ایسا نہ کیا تو ہم آکر یہ ضرور کریں گے، ہم اورآپ نے مل کرخیبرپختونخوا کوشناخت دی، فاٹا میں پیپلزپارٹی کا سیکریٹریٹ بنائیں گے.

سابق صدر نے کہا کہ اس حکومت سے کوئی امید نہ رکھیں یہ نااہل ہیں، بلاول اور آصفہ اور میں ، ہم سب میدان میں ہوں گے، پیپلزپارٹی حکومت اور پاکستان بنا کر دکھائیں گے، ہم نے سی پیک کے پی کے، بلوچستان، اسلام آباد کیلئے نہیں آپ کیلئے بنایا، کپتان ڈرائنگ روم سے نکل کر جلسے کرتا ہے.

انھوں نے کہا کہ عمران خان سمجھتے ہیں جیل گئے تو پارٹی کا کیا ہوگا، آپ کوسیاسی طور پر زندہ رہنا ہے تو جیل کی پرواہ نہیں کرنی چاہئے، اب صرف نواز کا نہیں ،سب کا شو ختم ہوگیا ہے، اب صرف عوام کی حکومت آئے گی، اس وقت ہر انسان روٹی کپڑا اور مکان مانگ رہا ہے۔

آصف زرداری کا کہنا تھا کہ سوات میں ہائیڈرل ڈیم بنائیں گے، بھٹو صاحب والی سہولتیں دینگے، بھٹو صاحب اوربی بی نے جو بھی سوچا ہم نے پچھلے 5سال میں مکمل کیا، ذوالفقارعلی بھٹو کی تمام باتیں اوروعدے مجھے یاد ہیں، وہ ہماری بینظیرتھی ،آپ کی بھی بینظیر تھیں اور ہمیشہ بینظیر رہیں گی، آپ سے اگلی ملاقات فاٹا میں ہوگی۔

Print Friendly, PDF & Email

Comments

comments

یہ بھی پڑھیں