site
stats
پاکستان

مسلم لیگ ن کو سینیٹ کی نشتیں بھی نہیں ملیں گی، آصف زرداری

بدین: سابق صدر آصف علی زرداری نے کہا ہے کہ ملک میں جہاں بھی گیا وہاں سے پیار ملا کیونکہ میں غریبوں کا درد سمجھتا ہوں، میاں صاحب کو آج نہیں تو کل جانا ہوگا اور اب ن لیگ کو سینیٹ کی نشتیں بھی نہیں ملیں گی۔

بدین میں جلسہ عام سے خطاب کرتے ہوئے سابق صدر نے کہا کہ  شیر کاغذی اور بلا دیسی ثابت ہوگا، بلے والوں کو نہیں معلوم کہ عوام کی ضروریات کیا ہیں اور شیر کا نشان رکھنے والے بھی عوام کی فکر نہیں کرتے۔

انہوں نے کہا کہ پاکستان میں جہاں بھی گیا وہاں سے پیار ملا کیونکہ میں غریبوں کے درد کو سمجھتا ہوں، بی بی کارڈ کو دگنا کریں گے اور انشاء اللہ اس مرتبہ ہر جگہ بی بی کے کارڈ کا ہی چرچا ہوگا۔

آصف زرداری نے کہا کہ میاں صاحب، اب تو ججوں نے بھی کہہ دیا ہے، آج جائیں یا تین مہینے بعد جانا تو آپ کو لازمی ہوگا، مجھے معلوم ہے کہ نوازشریف ہمارے مارچ کا انتظار کررہے ہیں ، پیپلزپارٹی کا ملین مارچ شروع ہوا تو ہم ن لیگ کا خاتمہ کردیں گے اور آئندہ انہیں سینیٹ کی نشستیں بھی نہیں لینے دیں گے۔

اُن کا کہنا تھا کہ نوازشریف نے سی پیک کی قدر نہیں کی بلکہ اس سے اپنوں کو مال بانٹا، میاں صاحب تو چاہتے ہیں کہ سندھ کے حصے کی گیس بھی نہ دی جائے مگر ہم اس دھرتی کے لوگ ہیں اور اس کی حفاظت کرنا جانتے ہیں۔

سابق صدر نے مزید کہا کہ بلوچستان سے بڑی آوازیں آرہی ہیں، جن کے دل ٹوٹے اُن کی آوازیں بھی سنائی دے رہی ہیں، ہم سب کے پاس جائیں گے اور آئندہ انتخابات میں اپنی حکومت بنا کر ن لیگ کا خاتمہ کردیں گے، پیار بانٹنے والا ہوں جہاں بھی گیا مجھے پیار ملا اس لیے اعتماد سے کہہ سکتا ہوں کہ آئندہ انتخابات میں پنجاب میں بھی ہماری ہی حکومت ہوگی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top