The news is by your side.

Advertisement

آصف زرداری کا نوابشاہ سے الیکشن لڑنے کا اعلان

نوابشاہ: سابق صدر  آصف علی زرداری نے کہا ہے کہ بلاول بھٹو سو فیصد لیڈر بن چکا ہے، آئندہ الیکشن میں نوابشاہ سے لڑوں گا۔

ان خیالات کا اظہار انہوں نے نوابشاہ میں کارکنوں سے خطاب کرتے ہوئے کیا، آصف زرداری کا کہنا تھا کہ عام انتخابات کے لیے حکمت علمی تیار کی جارہی ہے، اس مربتہ الیکشن پوری تیاری سے لڑیں گے۔

انہوں نے کہا کہ جیالوں نے مشکل سے مشکل دور میں بھی جانفشانی سے کام کیا، ہم جھکنے والوں میں سے نہیں ہیں، میں نے ہمیشہ پیپلز پارٹی اور ورکرز پر یقین رکھا ہے۔

ہم نے نواز شریف کوبارباربچایااورانہوں نےہماری پیٹھ میں چھراگھونپا،آصف زرداری

شریک چیئرمین پی پی کا کہنا تھا کہ ہمیں ماضی میں بھی ڈرانے کی کوشش کی گئی لیکن واضح کرنا چاہتے ہیں کہ ہم ڈرنے والوں میں سے نہیں ہیں، پیپلز پارٹی کو الیکشن سے بارہر رکھ کر یہ تاثر دینے کی کوشش کی گئی کہ ہماری پنجاب میں کوئی مقبولیت نہیں ہے۔

ان کا مزید کہنا تھا کہ بلاول بھٹو ہی ہمارا لیڈر ہے، ہمیں 18 ویں ترمیم پر عمل در آمد کروانا ہے، یاد رہے کہ رشتہ لینا آسان ہے ووٹ لینا بہت مشکل ہے۔

غیر ملکیوں کو ذاتی دوست بنانا نواز شریف کی ترجیح رہی ہے، آصف زرداری

خیال رہے کہ گذشتہ دنوں میڈیا سے گفتگو کرتے ہوئے آصف زرداری نے کہا تھا کہ ہم ذات اور سیاسی مفادات سے بالا ہوکر سیاست کرتے ہیں، گڑھی خدابخش کے 4 شہدا، ہزاروں شہدا کے مزار اس سیاست کے گواہ ہیں، عام انتخابات کے لیے تیار ہیں، مخالفین کو شکست دیں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں