The news is by your side.

Advertisement

گزشتہ الیکشن آراوز کا تھا اب ایسا ہونے نہیں دیں گے، آصف زرداری

لاہور : سابق صدر آصف زرداری نے کہا ہے کہ 2013 میں آر او الیکشن کے ذریعے پیپلزپارٹی کو باہر کیا گیا لیکن اب ایسا نہیں ہو گا کیوں کہ اب پیپلزپارٹی جم کر الیکشن لڑے گی.

وہ لاہور میں میڈیا سے گفتگو کر رہے تھے، آصف زرداری نے کہا کہ اب میں الیکشن کی تیاریوں کے لیے مکمل آزاد اور فری ہوں جب کہ بلاول بھٹو بھی میدان میں کھڑا ہے اور انشااللہ پیپلز پارٹی چاروں صوبوں سے جیتے گی.

آصف زرداری نے کہا کہ گزشتہ الیکشن میں ہمارے ہاتھ پاؤں باندھ کر الیکشن لڑنے دیا اور نتائج کو آر اوز کے ذریعے تبدیل کیا گیا تاکہ پیپلز پارٹی کو عوام سے دور رکھا جائے لیکن اب حالات یکسر تبدیل ہو چکے ہیں.

انہوں نے کہا کہ پیپلز پارٹی پورے پنجاب سے اپنے نمائندے کھڑے گی اور بھر پور انتخابی مہم چلا کر اس بار فتح حاصل کریں گے جس کے بعد ملک میں حقیقی جمہوریت آئے گی.

سابق صدر آصف زرداری نے کہا کہ پیپلز پارٹی نے ہمیشہ آمریت کے خلاف جنگ کی ہے اور ہمارے رہنماؤں اور کارکنوں نے جمہوریت کی پاداش میں مظالم برداشت کیے، اس بار میں چاروں صوبوں میں پیپلز پارٹی حکومت بنائے گی.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں