The news is by your side.

Advertisement

کھاد سے سبسڈی ختم کرکے حکومت آگ سے کھیل رہی ہے، زرداری

کراچی: پیپلز پارٹی کے شریک چیئرمین آصف علی زرداری نے کہا ہے کہ کھاد پر سے سبسڈی ختم کرکے وفاقی حکومت آگ سےکھیل رہی ہے، فیصلہ فوری واپس لے۔

اپنے بیان میں آصف زرداری نے حکومت سے مطالبہ کیا ہے کہ کھاد پر دی جانے والی سبسڈی ختم کرنے کا فیصلہ واپس لیا جائے،وفاقی حکومت آگ سےکھیل رہی ہے، حکومت کے فیصلوں سے دیگر صوبوں میں احساس محرومی پیدا ہوگا۔

خیال رہے کہ وفاقی وزارت نیشنل فوڈ سیکیورٹی کی جانب سے 9 جنوری کو نوٹی فکیشن جاری کیا گیا ہے جس کے مطابق مالی سال 2016-17 کے لیے کسانوں کو یوریا اور ڈی اے پی اور دیگر کھاد میں دی گئی سبسڈی ختم کردی گئی ہے۔

سبسڈی کے اس خاتمے کے بعد ڈی اے پی اور یوریا کھاد کی فی بوری قیمت میں 500 تا 1000 ہزار روپے کا اضافہ ہوجائے گا۔

واضح رہے کہ بیج، ڈیزل اور بجلی پہلی ہی مہنگی ہے جس کی وجہ سے زمینداروں کی پیداواری لاگت پہلے ہی بہت زیادہ ہے اور ان کا برا حال ہے، اب کھاد مہنگی ہونے سے زمینداروں پر مزید بوجھ پڑے گا اور زمیں داروں کی مشکلات میں کمی آنے کے بجائے مزید اضافہ ہوگا۔

Print Friendly, PDF & Email

Comments

comments

یہ بھی پڑھیں