آصف زرداری نے کارکنان کو انتخابات کی تیاری کا حکم دے دیا -
The news is by your side.

Advertisement

آصف زرداری نے کارکنان کو انتخابات کی تیاری کا حکم دے دیا

نوابشاہ : پیپلز پارٹی کے شریک چیئرمین اور سابق صدر آصف زرداری نے کہا ہے کہ کارکنان کمر کس لیں عام انتخابات میں پورے ملک سے کامیابی حاصل کریں گے۔

یہ بات انہوں نے نوابشاہ میں پارٹی رہنماؤں کے اہم اجلاس سے خطاب کرتے ہوئے کہی، پیپلز پارٹی کے شریک چیئرپرسن اور سابق صدر آصف علی زرداری کی زیر صدارت پارٹی رہنماؤں کا اجلاس زرداری ہاؤس نوابشاہ میں منعقد ہوا، اجلاس میں سید قائم علی شاہ فریال تالپور اور دیگر پارٹی رہنماؤں نے شرکت کی۔

اجلاس میں پارٹی کی تنظیم سازی کے اگلے عام انتخابات کی تیاریوں اور ملک کی موجودہ سیاسی صورتحال کے حوالے سے تبادلہ خیال کیا گیا۔ آصف زرداری نے پی پی کارکنوں کو عام انتخابات کی تیاری کا حکم دیتے ہوئے کہا کہ ملک میں اس لیے جمہوریت ہے کہ پاکستان پیپلز پارٹی نے جمہوریت کو فروغ دیا۔


  مزید پڑھیں : تہتر کےآئین کو اپنے دورِ میں مکمل کیا، آصف زرداری


سابق صدر کا کہنا تھا کہ انہوں نے جمہوریت کو فروغ دینا شہید ذوالفقار علی بھٹو اور بینظیر بھٹو سے سیکھا، پیپلز پارٹی نے آئین توڑنے والے ڈکٹیٹروں کے راستے ہمیشہ آئینی طریقے سے بند کیے۔

پیپلز پارٹی کی سابقہ حکومت نے آئین میں اٹھارویں ترمیم متعارف کرائی اور صوبوں کو اختیارات دیئے۔ آصف علی زرداری نے الزام عائد کیا کہ پاکستان مسلم لیگ (ن) کی سابقہ حکومتوں نے ان کے اور ان کی اہلیہ سابق وزیراعظم بینظیر بھٹو کے خلاف جھوٹے مقدمات قائم کیے اور انہیں عدالتوں میں گھسیٹا گیا۔

Comments

comments

یہ بھی پڑھیں