site
stats
پاکستان

آصف زرداری نے لوٹ مار کے نئے طریقے ایجاد کیے، سعد رفیق

اسلام آباد: وفاقی وزیرریلوے خواجہ سعد رفیق نے کہا ہے کہ سابق صدر آصف علی زرداری نے لوٹ مار اور کمیشن حاصل کرنے کے نت نئے طریقے ایجاد کیے، الزام لگانے والے پہلے آئینہ دیکھیں۔

پیپلزپارٹی کے شریک چیئرمین کی پریس کانفرنس پر ردعمل دیتے ہوئے لیگی وزیر نے کہا کہ پیپلزپارٹی نے 10 سال سندھ میں اقتدار کی مگر وہاں کے عوام کو سوائے مایوسی کے کچھ نہ ملا کیونکہ صوبے کو کھنڈر بنادیا گیا ہے۔

انہوں نے کہا کہ لوٹ مار کے نِت نئے طریقے ایجاد کرنا آصف زرداری کا طرہ امتیاز ہے وہ دوسروں پر کمیشن لینے کا الزام لگانے سے پہلے آئینہ دیکھ لیں تاکہ کچھ کہنے سے پہلے سوچنے کا موقع مل جائے، آصف علی زرداری دوسروں پر کمیشن لینے کا الزام لگانے سے قبل اپنے آپ کو احتساب کے لیے پیش کریں۔

قبل ازیں آصف علی زرداری نے ملتان میں حامد سعید کاظمی کے ہمراہ پریس کانفرنس کرتے ہوئے حکومت کو آڑے ہاتھوں لیا اور وزیراعظم پر کمیشن لینے کا الزام بھی عائد کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top