site
stats
پاکستان

آصف زرداری مردِ آہن ہیں، نعیم الحق

لاہور: تحریک انصاف کےترجمان نعیم الحق نے کہا ہے کہ آصف علی زرداری پی پی کے مرد آہن ہیں ، وطن واپسی اُن کا حق ہے۔

ان خیالات کا اظہار تحریک انصاف کے ترجمان نے میڈیا سے گفتگو کرتے ہوئے کیا۔ انہوں نے آصف زرداری کو پیپلز پارٹی کا مرد آہن قراردید دیتے ہوئے کہا ہے کہ  وطن واپسی زرداری کا حق ہے ، وہ جہاں رہیں پارٹی پر اُن کا ہی کنٹرول ہے۔

پڑھیں: ’’ آصف زرداری کی واپسی پر خوشی ہے، وزیراعظم ‘‘

خیال رہے گزشتہ روز سابق صدر 18 ماہ کی خود ساختہ جلاوطنی کاٹ کر وطن واپس پہنچے ہیں، سیاسی جماعتوں کی جانب سے اُن کی وطن واپسی کو جمہوریت کے لیے مثبت اقدام قرار دیا ہے۔

دوسری جانب وزیراعظم پاکستان میاں محمد نوازشریف نے سابق صدر کی واپسی پر نیک خیالات کا اظہار کرتے ہوئے انہیں پارٹی کی کمان سنبھالنے کا مشورہ بھی دے ڈالا۔

مزید پڑھیں: ’’ سیاسی اداکاروں کے ذہن میں فتور ہے کہ میں بھاگ گیا ہوں، آصف علی زرداری ‘‘

سابق صدر نے گزشتہ روز کارکنان سے خطاب کرتے ہوئے کہا تھا کہ ’’میری واپسی جمہوریت کو مضبوط کرنے کے لیے ہے، میں ملک کے لیے نئی امیدیں لے کر آیا ہوں اور ہم ملک کو مضبوط کرنے میں اپنا کردار ادا کرتے رہیں گے‘‘۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top