مسئلہ کشمیرکا حل تشدد یا طاقت سے ممکن نہیں، آصف علی زرداری ASif Zardari kashmir
The news is by your side.

Advertisement

مسئلہ کشمیرکا حل تشدد یا طاقت سے ممکن نہیں، آصف علی زرداری

اسلام آباد : پیپلز پارٹی کے شریک چیئرمین اور سابق صدر آصف علی زرداری نے کہا ہے کہ کشمیر کاز پر کسی قسم کا کوئی سمجھوتہ نہیں کیا جائے گا، مسئلہ کشمیر کا حل تشدد یا طاقت سے نہیں صرف بات چیت سے ہی ممکن ہے۔

ان خیالات کا اظہار انہوں نے کشنمیری رہنماؤں سے گفتگو کرتے ہوئے کیا۔ سابق صدر آصف علی زرداری سے آزاد کشمیر کے سیاسی رہنماؤں نے ملاقات کی۔

سردار یعقوب کی سربراہی میں ملنے والے وفد میں سردارعتیق، شاہ غلام، رشید ترابی، طاہرمسعود، غلام صوفی شامل تھے۔ ملاقات میں دونوں جانب سے بھارتی فوج کے مظلوم کشمیریوں پر مظالم کی مذمت کی گئی۔

اس موقع پر آصف زرداری نے مقبوضہ کشمیرمیں انسانی حقوق کی سنگین خلاف ورزی کی مذمت کرتے ہوئے کہا کہ  کشمیریوں کی آواز بندوقوں اور گولیوں سے نہیں دبائی جا سکتی، تشدد اور طاقت کا استعمال کوئی بھی مسئلہ حل نہیں کرسکتا۔

آصف زرداری نے اس عزم کا اظہار کیا کہ کشمیر کاز پر کسی قسم کا سمجھوتہ نہیں کیا جائے گا، کشمیری اپنے حقوق کے لیےاٹھ کھڑے ہوئے ہیں، مقبوضہ کشمیرکا حل کشمیری عوام کی امنگوں کے مطابق ہونا چاہئیے۔

انہوں نے کہا کہ کشمیری عوام کی امنگوں کےخلاف کوئی بھی مجوزہ حل ناکام ہوگا، منصفانہ،باعزت،امنگوں کےمطابق ہی سمجھوتہ حل ہے، کشمیرکاحل صرف بات چیت سےہی ممکن ہے۔

Comments

comments

یہ بھی پڑھیں