اسلام آباد : سابق صدرآصف زرداری نے کہا چیئرمین نیب کا ذاتی معاملہ ہے، مداخلت نہیں کریں گے، اپنے دفتر کو سیاسی معاملات کے لیے استعمال نہ کریں۔
تفصیلات کے مطابق اسلام آباد ہائی کورٹ میں پیشی کے موقع پر سابق صدرآصف زرداری نے میڈیا سے گفتگو کرتے ہوئے کہا چیئرمین نیب کا ذاتی معاملہ ہے، مداخلت نہیں کریں گے، کسی کے ذاتی معاملات سے میرا واسطہ نہیں ، چیئرمین نیب اپنے دفتر کو سیاسی معاملات کے لیے استعمال نہ کریں۔
آصف زرداری کا کہنا تھا نیب صنعت کاروں کو تنگ کرنا بند کرے، نیب کارروائیوں سے ملکی صنعت متاثر ہو رہی ہے۔
اس سے قبل آصف علی زر داری کے ہائی کورٹ پہنچنے پر صحافی نے آصف علی زر داری سے سوال کیا کہ شیخ رشید کہتے ہیں چیئرمین نیب کی ویڈیو کے پیچھے آپ کا ہاتھ ہے؟سوال کے جواب میں آصف زرداری کا قہقہہ لگایا اور کہاکہ ہم ایسے کام نہیں کرتے۔
صحافی نے سوال کیا کہ کیا آپ چیئرمین نیب سے مستعفی ہونے کا مطالبہ کرتے ہیں، آصف علی زر داری نے جواب دیا کہ ہم ایسے کام نہیں کرتے۔
مزید پڑھیں : آصف زرداری، فریال تالپور کی عبوری ضمانت میں کل تک توسیع
صحافی نے پھر سوال کیا کہ کیا آپ چیئرمین نیب کا متبادل ڈھونڈ رہے ہیں۔ انہوںنے جواب دیا کہ جس سرکار نے ڈھونڈنا ہے وہ خود ڈھونڈھے۔
خیال رہے اسلام آباد ہائی کورٹ نے پیپلز پارٹی کےشریک چیئرمین آصف زرداری اور ان کی بہن فریال تالپور کی عبوری ضمانت میں کل تک توسیع کردی اور ہدایت کی تفتیشی افسرکل ریکارڈجمع کرائیں۔
