The news is by your side.

Advertisement

حکومت کا اسٹائل بتارہا ہے ، یہ زیادہ دیر نہیں چلےگی، آصف زرداری

اسلام آباد : سابق صدر آصف زرداری نے کہا احتساب چلےگایامعیشت چلےگی، اس حکومت کی کوئی لائف نہیں ہے، اسٹائل بتارہاہےیہ زیادہ دیر نہیں چلےگی۔

تفصیلات کے مطابق اسلام آباد ہائی کورٹ میں پیشی کے موقع پر سابق صدر آصف زرداری نےاحتساب عدالت آمد پر صحافیوں سے گفتگو کرتے ہوئے کہا حکومت کی کوئی لائف نہیں، یا تو احتساب چلے گا یا معیشت چلے گی، حکومت کااسٹائل بتارہا ہےیہ زیادہ دیرنہیں چلے گی۔

صحافی نے سوال کیا کیا اپوزیشن عیدکےبعدتحریک چلانےجارہی ہے؟ آصف زرداری کی جانب سے انشااللہ کاجواب دیا گیا۔

اسلام آباد ہائی کورٹ کے باہر بھی صحافی نے سوال کیا آپ نے ہمیں خاموش رہنےکامشورہ دیاکب تک ایساکریں، آصف زرداری نے جواب دیا میں نے کب کہا آپ خاموش رہیں، میں خاموش ہوں۔

صحافی نے پوچھا خان صاحب کہتےتھے آئیں احتجاج کریں کنٹینراورکھانا پینا دیں گے تو سابق صدر کا کہنا تھا ایم این ایز کے ساتھ جو ہوا اس کے بعد یہ کیاکھاناپینادیں گے، یہ لوگ توعوام کاہی کھاناپیناچھین لیں گے، انہوں نے ملک کاسارا کھاناہی چھین لیا ہے۔

خیال رہے احتساب عدالت میں جعلی اکاؤنٹس کیس کی سماعت جج کی رخصت کے باعث 14 جون تک ملتوی کردی گئی ، سابق صدر آصف زرداری احتساب عدالت اسلام آباد میں چھٹی بار پیش ہوئے تھے۔

مزید پڑھیں : جعلی اکاؤنٹس کیس :جج کی رخصت کے باعث احتساب عدالت میں سماعت ملتوی

گذشتہ روز اسلام آباد ہائی کورٹ میں پیشی کے موقع پر سابق صدرآصف زرداری نے میڈیا سے گفتگو کرتے ہوئے کہا تھا چیئرمین نیب کا ذاتی معاملہ ہے، مداخلت نہیں کریں گے، کسی کے ذاتی معاملات سے میرا واسطہ نہیں ، چیئرمین نیب اپنے دفتر کو سیاسی معاملات کے لیے استعمال نہ کریں۔

آصف زرداری کا کہنا تھا نیب صنعت کاروں کو تنگ کرنا بند کرے، نیب کارروائیوں سے ملکی صنعت متاثر ہو رہی ہے۔

اس سے قبل آصف علی زر داری کے ہائی کورٹ پہنچنے پر صحافی نے آصف علی زر داری سے سوال کیا کہ شیخ رشید کہتے ہیں چیئرمین نیب کی ویڈیو کے پیچھے آپ کا ہاتھ ہے؟سوال کے جواب میں آصف زرداری کا قہقہہ لگایا اور کہاکہ ہم ایسے کام نہیں کرتے۔

صحافی نے سوال کیا کہ کیا آپ چیئرمین نیب سے مستعفی ہونے کا مطالبہ کرتے ہیں، آصف علی زر داری نے جواب دیا کہ ہم ایسے کام نہیں کرتے۔

Comments

یہ بھی پڑھیں