The news is by your side.

Advertisement

سی پیک کے ثمرات تمام صوبوں‌ تک پہنچنے چاہییں:‌ آصف زرداری

اسلام آباد: پاکستان پیپلزپارٹی کے شریک چیئرمین آصف علی زرداری نے کہا ہے کہ پیپلزپارٹی نےخیبر پختون خواہ صوبہ بنا کر وہاں کےعوام کوشناخت دی، سی پیک کی ترقی کے ثمرات تمام صوبوں‌ تک پہنچنے چاہییں۔

ان خیالات کا اظہار انھوں نے اے این پی کے مردان سے تعلق رکھنے والے رکن ملک اعجاز کی پیپلزپارٹی میں شمولیت کے موقع پر کیا.

شہید بے نظیر بھٹونے شدت پسندوں کے خلاف بھرپور مزاحمت کی، ہمیں راستہ دکھایا، آج ہم اس راستے پر آگے بڑھ رہے ہیں

آصف علی زرداری

آصف علی زرداری نے ملک اعجاز کو پیپلزپارٹی میں شمولیت پر مبارکباد دیتے ہوئے کہا کہ ہماری جماعت نے صوبوں کو خود مختاری اوراین ایف سی ایوارڈ دیا، جو ایک دیرینہ مطالبہ تھا.

ان کا کہنا تھا کہ غربت، بے روزگاری اور اندھیروں کا خاتمہ پیپلزپارٹی کی ترجیح ہے، پختونخواہ کےعوام نے شدت پسندوں، دہشت گردوں کے بہت زخم سہے ہیں، انھیں‌ حقوق ملنے چاہییں.

انھوں نے کہا کہ شہید بے نظیر بھٹونے شدت پسندوں کے خلاف بھرپور مزاحمت کی، ہمیں راستہ دکھایا، آج ہم اس راستے پر آگے بڑھ رہے ہیں، ہمیں ملک کا مفاد سب سے زیادہ عزیز ہے.

آصف علی زرداری کا کہنا تھا کہ ماضی میں کے پی عوام کےاصل مسائل کو مسلسل نظرانداز کیا گیا تھا، ہم نے اپنے دور ان کے مسائل پر توجہ دی، پاکستان پیپلزپارٹی نے بڑی حد تک عوام کے مسائل حل کئے.


آئین کو توڑنے اور اس کی بے حرمتی کرنے والے قوم کے غدار ہیں، آصف زرداری


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں