آئین کو توڑنے اور اس کی بے حرمتی کرنے والے قوم کے غدار ہیں، آصف زرداری
The news is by your side.

Advertisement

آئین کو توڑنے اور اس کی بے حرمتی کرنے والے قوم کے غدار ہیں، آصف زرداری

اسلام آباد : سابق صدر آصف علی زرداری نے کہا ہے کہ آئین کی بے حرمتی کرنے والے قوم کے غدار ہیں، ایک ڈکٹیٹرنے1977میں آئین منسوخ کرکے اس کی بےحرمتی کی۔

یہ بات انہوں نے یوم آئین کے موقع پر قوم کے نام اپنے پیغام میں کہی، آصف زرداری نے کہا کہ آئین تقاضا کرتا ہے کہ اس کی روح کے مطابق عمل کیا جائے، ریاست اور شہریوں کے درمیان آئین بنیادی سماجی معاہدہ ہے، اسی کی وجہ سے وفاق کی ساری اکائیاں آپس میں جڑی ہوئی ہیں۔

انہوں نے کہا کہ آئین سے روگردانی اوراسےتوڑ نےوالوں کو سزا ملنی چاہئے، ماضی میں ایک ڈکٹیٹر نے1977میں آئین کو منسوخ کرکے اس کی بےحرمتی کی۔

آصف زرداری کا کہنا تھا کہ آئین کو پھاڑنا قوم کی روح کچلنے کے مترادف ہے، اس کی بے حرمتی عوام کی بے حرمتی کے مترادف ہے، آئین کی بے حرمتی کرنے والے قوم کے غدار ہیں۔

انہوں نے مزید کہا کہ ڈکٹیٹر ز، ریاست پر قبضہ کرنے والوں کو سزا دینی چاہئے۔ یوم آئین کے موقع پر آصف علی زرداری نے شہید بینظیر بھٹو اور شہید ذوالفقارعلی بھٹو کو خراج عقیدت بھی پیش کیا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں