zardari پیپلزپارٹی بہت جلد بڑا سیاسی دھماکہ کرنے والی ہے، آصف زرداری
The news is by your side.

Advertisement

پیپلزپارٹی بہت جلد بڑا سیاسی دھماکہ کرنے والی ہے، آصف زرداری

لاہور : سابق صدر آصف علی زرداری نے کہا ہے کہ پیپلزپارٹی بہت جلد بڑا سیاسی دھماکہ کرنے والی ہے، ملک کی بڑی سیاسی شخصیات ہم سے رابطے میں ہیں جلد بڑے اعلانات ہوں گے، وفاق ہی نہیں پنجاب میں بھی جیالوں کی حکومت ہوگی۔

ان خیالات کا اظہار انہوں نے بلاول ہاؤس لاہور میں سرگودھا ڈویژن کے ٹکٹ ہولڈرز سے ملاقات کے دوران کیا۔ انہوں نے کہا کہ بہت جلد بڑا تہلکہ مچانے والے ہیں۔

انہوں نے بتایا کہ ملک کی اہم اور بڑی سیاسی شخصیات ہم سے رابطے میں ہیں اور عنقریب بڑے اعلانات ہوں گے، انتخابات سے پہلے پنجاب میں سیاسی فضا بدل دیں گے۔

انہوں نے ہدایت کی کہ امیدوارانتخابات کی تیاری کریں، پنجاب میں بھرپور مقابلہ کرینگے، وفاق ہی نہیں پنجاب میں بھی جیالوں کی حکومت ہوگی اورآئندہ الیکشن میں ہم چاروں صوبوں میں حکومت بنائیں گے۔

آصف زرداری نے پنجاب میں رہنماؤں کو سیاسی رابطے بڑھانے کا ٹاسک دے دیا، ذرائع کے مطابق جنوبی پنجاب اور وسطی پنجاب کے سیاسی گھرانوں سے جلد ملاقاتیں کریں گے۔


مزید پڑھیں: شریف خاندان کو گرفتارکیا جائے، آصف زرداری کا مطالبہ


آصف زرداری کا کہنا تھا کہ آر او الیکشن کے نتائج سیاسی جماعتوں کی مقبولیت کانہیں دھاندلی کا پیمانہ ہوتے ہیں، جس کے پاس جیالے ہوں اسےشفاف الیکشن میں کوئی نہیں ہراسکتا۔


مزید پڑھیں: گزشتہ الیکشن آراوز کا تھا اب ہونے نہیں دیں گے، آصف زرداری


انہوں نے کہا کہ پیپلزپارٹی جیسے بہادر کارکنان کسی دوسری جماعت کے پاس نہیں، پیپلزپارٹی آئندہ انتخابات میں بھرپوراندازمیں حصہ لینے کیلئے تیارہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

 

Comments

comments

یہ بھی پڑھیں