The news is by your side.

سابق صدر آصف زرداری اہم مشاورت کیلئے اسلام آباد پہنچ گئے

اسلام آباد : پیپلزپارٹی کے شریک چیئرمین سابق صدرآصف علی زرداری کراچی سے بذریعہ جہاز اسلام آباد پہنچ گئے ہیں۔

پیپلزپارٹی کے شریک چیئرمین آصف زرداری اسلام آباد ایئرپورٹ سے زرداری ہاؤس پہنچ گئے، آصف زرداری اسلام آباد میں جاری سیاسی صورت حال کے حوالے سے اپنا کردار ادا کریں گے۔،

پیپلزپارٹی کے ذرائع کا کہنا ہے کہ سابق صدر زرداری کی سیاسی رہنماؤں سے اہم ملاقاتیں بھی متوقع ہیں، موجودہ سیاسی حالات اہم قومی مسئلہ ہیں۔

آصف زرداری نئے آرمی چیف کی تعیناتی کے حوالے سے اہم مشاورت کا حصہ ہوں گے، سابق صدر اتحادی جماعتوں سربراہان سے حتمی مشاورت بھی کرینگے۔

ذرائع کے مطابق وزیر اعظم شہباز شریف کی جانب سے اہم تعیناتی کے مسئلے پر ان کی رائے طلب کی گئی تھی، واضح رہے کہ آصف زرداری نے طبیعت خرابی کے باعث سیاسی سرگرمیاں کئی ماہ سے ترک کی ہوئی تھیں۔

مزید پڑھیں : چند دنوں میں آرمی چیف کی تعیناتی ہوجائے گی، رانا ثناء اللہ

یاد رہے کہ وفاقی وزیر داخلہ رانا ثناء اللہ نے گزشتہ دنوں ایک نجی چینل سے گفتگو کرتے ہوئے کہا تھا کہ آنے والے چند دنوں میں نئے آرمی چیف کی تعیناتی ہوجائے گی۔

ان کا کہنا تھا کہ نئے سپہ سالار کی تعیناتی سے متعلق فیصلہ وزیراعظم شہباز شریف ہی کریں گے، تاہم مشاورت سب سے کرنی چاہئے کیونکہ مشاورت ایک عمل کی نفاست اور مضبوطی کا باعث ہے۔

Comments

یہ بھی پڑھیں