آصف زرداری کی وطن واپسی، جیالے پرجوش، انتظامات مکمل ARY
The news is by your side.

Advertisement

آصف زرداری کی وطن واپسی، انتظامات مکمل، جیالے پرجوش

کراچی: پیپلزپارٹی کے شریک چیئرمین اور سابق صدر آصف علی زرداری ڈیڑھ سال بعد آج سہ پہر تین بجے دبئی سے کراچی پہنچ رہے ہیں، جہاں وہ اولڈ ٹرمینل پر کارکنان سے خطاب کر کے اپنا آئندہ کا لائحہ عمل بیان کریں گے۔

تفصیلات کے مطابق سابق صدر آصف علی زرداری کی آج سہ پہر وطن واپس آرہے ہیں، پیپلزپارٹی کے جیالوں نے شہر بھر میں خوش آمدید کے بینرز آویزاں کردئیے جبکہ پی پی کی جانب سے انتظامات کو حتمی شکل دے دی گئی ہے۔

پڑھیں: ’’ آصف زرداری کی واپسی پر خوشی ہے، وزیراعظم ‘‘

سابق صدر کی آمد کی خوشی میں کراچی میں کارکنوں کی آمد کا سلسلہ رات گئے ہی شروع ہوگیا اور کارکنان دھول کی تھاپ پر رقص کرتے نظر آرہے ہیں جبکہ کئی مقامات پر آتش بازی کا شاندار مظاہرہ بھی کیا گیا۔ بلاول ہاؤس کے نزدیک جیالوں نے آصف زرداری کی عمر درازی کے لیے اونٹ کی قربانی کی اور صدقہ بھی دیا۔

مزید پڑھیں: ’’ آصف زرداری کی وطن واپسی پر کراچی ٹریفک پولیس کا پلان تیار ‘‘

دوسری جانب پیپلز پارٹی نے کراچی ائیر پورٹ پر آصف زرداری کی آمد کے موقع پربھرپور عوامی قوت کا مظاہرہ کرنے کی تیاریاں بھی مکمل کر لیں ہیں، آصف زرداری جلسہ عام سے خطاب کرنےکے بعد وہ بذریعہ ہیلی کاپٹر بلاول ہاؤس روانہ ہو جائیں گے۔

Comments

comments

یہ بھی پڑھیں