میرپور خاص: سابق صدر آصف علی زرداری نے کہا ہے کہ میں یہ دعویٰ تو نہیں کرتا کہ میں بھٹو ہوں، لیکن مجھ میں بھٹو کی روح ضرور موجود ہے۔
ان خیالات کا اظہار پیپلز پارٹی کے شریک چیئرمین نے ذوالفقار علی بھٹو کے90 ویں یوم پیدائش کے موقع پر میرپورخاص میں جلسے سے خطاب کرتے ہوئے کیا۔
آصف علی زرداری کا کہنا تھا کہ آج پاکستان کو مشکلات کا سامنا ہے، موجودہ حکومت نااہل حکومت ہے، میاں صاحب خود ایک راز ہیں، میاں صاحب آئے نہیں تھے، آپ کو اپنا مقصد پورا کرنےکے لیےلایا گیا تھا، نوازشریف بتائیں، ضیا دور میں انھوں نے کیا، ورنہ ہم بتائیں گے۔
یہ بھی پڑھیں: ہوسکتا ہے شریف برادران کفیل بچانے سعودی عرب گئے ہوں: آصف زرداری
انھوں نے خواجہ آصف پر طنز کرتے کہا کہ ایسا وزیر خارجہ لگایا ہے، جو انگریزی بھی پنجابی میں بولتا ہے، ایسا وزیرخارجہ لگاتےجس کی بولی سب سمجھتے۔
نوازشریف اپنی ہی اسٹیبلشمنٹ اورحکومت کے خلاف لڑنے چلے ہیں، ہمیں دھمکانےوالےپیغامات نہ بھیجیں، نوازشریف اپنے وزیراعظم سے کہیں کہ اگرحکومت نہیں چلتی تومستعفی ہوں۔
انھوںنے سابق نااہل وزیر اعظم کو مخاطب کرتے ہوئے کہا کہ ہم ڈرنے اور بھاگنے والوں میں سےنہیں، میاں صاحب آپ تو ڈرکرمعاہدےکرکےبھاگ جاتےہیں، پیپلزپارٹی کےہزاروں کارکنان جیلوں میں گئے۔
شہبازشریف اور رانا ثنااللہ کو مستعفی ہونا پڑے گا: آصف زرداری
انھوں نے کہا کہ پیپلزپارٹی ہاریوں اورغریب عوام کی پارٹی ہے، شہید بے نظیر بھٹو ہاریوں کی لیڈر تھیں، ملک کوآج تک جوکچھ دیا، وہ پیپلز پارٹی نے دیا، بھٹو شہید نےعوام کو زبان اورشعوردیا. انھوں نے کہا کہ تھر میں بجلی کاکارخانہ لگ رہاہے،مرادعلی شاہ جووعدہ کرتےہیں وہ پورا کرتے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں
