The news is by your side.

Advertisement

آئندہ ہونے والے الیکشن کی مہم آصفہ بھٹو چلائیں گی، آصف زرداری

کراچی : سابق صدر آصف علی زرداری نے کہا ہے کہ جیالے کسی غلط فہمی میں رہے 2018 الیکشن کا سال ہے بھرپور تیاریاں کریں اس بار آصفہ بھٹو آپ کے ساتھ ہوں گی.

ان خیالات کا اظہار انہوں نے پارٹی رہنماؤں شیری رحمان، جام شورو اور نادیہ گبول نے ملاقات کی اور ملک بھر کے بالعموم اور سندھ کی بالخصوص سیاسی صورت حال پر تبادلہ خیال کیا گیا.

سابق صدر آصف زرداری نے دورانِ ملاقات پارٹی رہنماؤں کو آئندہ الیکشن کے لیے تیار رہنے کی ہدایت کی اور کارکنان کسی غلط فہمی میں نہ رہے کہ 2018 الیکشن کا سال ہے.

انہوں نے کہا کہ 2018 کے الیکشن میں آصفہ بھٹو جیالوں کے ساتھ ہوں گی اور نواب شاہ سے لیکر ہر ایک ایک حلقہ آصفہ بھٹو کا منتظر ہوگا اور پھر سے دھما دم مست قلندر ہوگا.

آصف علی زرداری نے کہا کہ اس بارجو پی پی کے جیالوں کے ساتھ نہیں ہوگا وہ پچھتائے گا اور اگلے سیاسی سیٹ اپ میں عوام کی اپنی حکومت کو دوام حاصل ہوگا.

انہوں نے کہا کہ نواز شریف کو قانون کا سامنا کرنا چاہیئے لیکن اداروں کو بدنام کرنے کی سازش میں ہم ان کا ساتھ نہیں دے سکتے اور نہ ہی کسی ایک شخص کو بچانے کے لیے جمہوریت کی بساط لپیٹنے کی اجازت نہیں دیں گے.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں