عمران خان عجیب ہیں کبھی’’نیازی‘‘ تو کبھی ’’خان ‘‘ بن جاتے ہیں، آصف زرداری asif zardari
The news is by your side.

Advertisement

عمران خان عجیب ہیں کبھی’’نیازی‘‘ تو کبھی ’’خان ‘‘ بن جاتے ہیں، آصف زرداری

لاہور : سابق صدر آصف زرداری نے کہا کہ عمران خان  عجیب شخص ہیں آف شور کمپنیاں ’’نیازی‘‘ کے نام سے بناتے ہیں اور کرکٹ ’’خان ‘‘ کے نام سے کھیلتے ہیں یہ کھلا تضاد ہے.

وہ لاہور میں کارکنان کے اجتماع  سے خطاب کر رہے تھے، سابق صدر نے کہا کہ عمران خان تنقید کےعلاوہ کوئی پروگرام نہیں دیتے میں خیبرپختونخواہ گیا ہوں لیکن وہاں ایک پل کےعلاوہ کوئی تبدیلی نہیں دیکھی.

آصف زرداری نے کہا کہ کے پی کے میں جتنی یونیورسٹیز بنی ہیں اور جو ترقیاتی کام ہوئے ہیں وہ ہمارے دور حکومت میں ہوئے اور اے این پی نے بھی صوبائی فنڈز سے کئی منصوبوں کو پایہ تکمیل تک پہنچایا تاہم تحریک انصاف کا کوئی منصوبہ نہیں دیکھا.

انہوں نے کہا کہ عمران خان آج پھر معافی نامہ لکھ کر آگئے ہیں اور نام نہاد شیر لندن میں بلا بن کر دوبارہ بیٹھ گیا ہے جب کہ ہم نے جیلیں کاٹیں اور عدالتوں کے چکر لگائے اور وہاں سے باعزت بری ہوئے.

سابق صدر نے کہا کہ پٹرول مہنگا تھا لیکن اس کے باوجود ہم نے بجلی کی قیمتیں کنٹرول رکھیں اور ترقیاتی منصوبوں کے لیے چین سے جو قرضہ لیا تھا وہ واپس کیا لیکن موجودہ حکومت نے قرضہ نے بہت لیا اوریہ ایک دن واپس بھی کرنا ہے.

آصف زرداری نے کہا کہ آنے والا دور پیپلز پارٹی کا ہے اور مجھے پیپلزپارٹی کا مستقبل بہت روشن نظر آ رہا ہے کیوں پچھلے الیکشن میں ہمیں باندھ کر رکھا گیا تھا اور انتخابی مہم چلانے نہیں دی تھی.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں