site
stats
سندھ

میاں صاحب ! پہلے اپنے جعلی مینڈیٹ کا راز فاش کریں، آصف زرداری

Asif Zardari

میرپورخاص : سابق صدر آصف زرداری نے کہا ہے کہ اگر میاں صاحب کسی راز کو فاش کرنا ہی چاہتے ہیں تو سب سے پہلے اس بات سے پردہ اٹھائیں کہ انہیں اتنا بھاری مینڈیٹ کیسے اور کہاں سے ملا؟

وہ میرپور خاص میں کارکنان سے خطاب کر رہے تھے، صدر پاکستان پیپلز پارٹی پارلیمینٹیرین آصف زرداری کا سابق وزیراعطم نواز شریف کو تنقید کا نشانہ بناتے ہوئے کہنا تھا کہ میاں صاحب پہلے اپنے گریبان میں جھانکیں پھر کسی اور پر اعتراض اُٹھائیں.

انہوں نے کہا کہ پیپلز پارٹی کا مینڈیٹ کبھی پنجاب اور کبھی سندھ سے چھینا جاتا ہے اور ہماری حکومت کو گرانے کی سازشیں کی جاتی ہیں اور ان سازشوں کی تیاری میں میاں صاحب خود بہ نفیس نفیس شریک تھے اس لیے اب وہ قوم کو مزید بے وقوف نہیں بنا سکتے ہیں.

سابق صدر نے سربراہ مسلم لیگ نواز شریف کو مخاطب کرتے ہوئے کہا کہ میاں صاحب آپ کو دھن دولت کی طاقت اور عیش و عشرت مبارک ہو جب کہ پیپلز پارٹی کے پاس عوام کی طاقت ہے اور ہم اسی میں خوش میں ہیں کیوں کہ ہم نے کبھی اقتدار کے لیے کسی اور طاقت کا سہارا نہیں لیا.

انہوں نے مزید کہا کہ پیپلز پارٹی کا وژن ذوالفقار بھٹو اور بے نظیر بھٹو کا ہے جسے میں آگے لیکر چل رہا ہوں اس لیے ہمیشہ غریب محنت کشوں کی حقوق کی بات کروں گا اور ہر وہ کام کروں گا جس میں ہاریوں اور محنت کشوں کا فائدہ ہو جس کے لیے میں میں وڈیروں کےنہیں بلکہ اپنے ہاریوں کے ساتھ کھڑا ہوں.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top