site
stats
اہم ترین

اگلا وزیراعظم ہمارا ہوگا، بھٹو زندہ ہے مخالفین ختم ہوگئے، زرداری

گڑھی خدابخش : سابق صدر آصف زرداری نے کہا کہ میں صرف 15 دن پنجاب میں بیٹھا ہوں اور 15 دن میں بلے اور کاغذی شیروں کا حال خراب ہوگیا تھا، انہوں نے عزم ظاہر کیا کہ اگلا وزیر اعظم ہمارا ہوگا۔

سابق صدر آصف علی زرداری کا شہید ذوالفقار علی بھٹو نوڈیرو میں برسی کے موقع پر جلسے عام سے خطاب کرتے ہوئے کہا کہ پیپلز پارٹی شہید ذوالفقار علی بھٹو کی یاد منارہی ہے۔

انہوں نے کہا کہ پیپلزپارٹی پر بری نظر رکھنے والوں سے نہ پہلے ڈرے ہیں نہ اب ڈریں گے صرف چند روز پنجاب میں قیام کیا تو لوگوں کی نیندیں حرام ہو گئیں۔


میاں صاحب وفاق کو کمزور کررہے ہیں، بلاول بھٹو


آصف زرداری نے کہا کہ ذوالفقار علی بھٹو پر بڑے مظالم ڈھائے گئے ہیں اور بھٹو خاندان کے ساتھ بڑی زیادتیاں ہوئیں لیکن پھر بھی بھٹو کو مٹانے والے خود مٹ گئے بھٹو آج بھی زندہ ہے کیوں کہ بھٹو ایک سوچ اور نظریے کا نام ہے۔

انہوں نے کہا کہ ذوالفقارعلی بھٹو نے ہمیشہ پاکستان کے مفاد کی بات کی اور ملکی سیکیورٹی کو ناقابل تسخیر بنانے کے لیے ایٹمی پروگرام کا آغاز کیا تاہم کچھ لوگوں اس کا کریڈٹ بھی خود لینا چاہتے ہیں۔

اسی طرح سی پیک پر ہمارا بنایا ہوا پروگرام بھی لے کر یہ لوگ آگے چل رہے ہیں اور اس کا کریڈٹ بھی اپنے کھاتے ہیں کیوں کہ ان کی سوچ صرف پیلی ٹیکسوں تک جاسکتی ہے۔

آصف زرداری نے کہا کہ آج ملک میں پانی اور بجلی دونوں نہیں ہیں لیکن یہ لوگ بس سڑکیں اور بل بنانے میں مصروف ہیں کیوں کہ اس میں ان کا سریا استعمال ہوتا ہے۔

انہوں نے وفاقی حکومت کو تنقید کا نشانہ بناتے ہوئے کہا کہ نواز حکومت کہتی ہے کہ ہم پر ایک پیسے کی کرپشن نہیں ہے اس کا فیصلہ بھی جلد ہو جائے گا پاناما کیس کے فیصلے اور ججوں کا انتظار کررہے ہیں۔

آصف زرداری نے دعوی کیا کہ پیپلز پارٹی کی جڑیں عوام میں ہیں اس لیے ہم اس سال الیکشن کے لئے مکمل تیار ہیں اور اپنا وزیراعظم منتخب کروائیں گے۔

بھٹو کے مزار میں شہید بھٹو اور پی پی کے کارکنوں میں جھڑپ

دریں اثنا ذوالفقار علی بھٹو کے مزار کے اندر پیپلز پارٹی شہید بھٹواور پیپلز پارٹی کے کارکنوں میں جھڑپ ہوگئی، پولیس نے آکر بیچ بچاؤ کرایا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top