ARYNews.tv! asif zardari visited NICVD to meet Dr Asim
The news is by your side.

Advertisement

ڈاکٹرعاصم کے آباواجداد نےتحریک پاکستان میں حصہ لیا، آصف زرداری

کراچی : سابق صدر آصف علی زرداری نے کہا ہے کہ ڈاکٹر عاصم حسین علمی و ادبی گھرانے سے تعلق رکھتے ہیں اور ان کے آبا و اجداد نے تحریک پاکستان میں بھی اہم کردار ادا کیا ہے،ڈاکٹر عاصم حسین خود بھی شہر کی معروف علمی اور سماجی شخصیت ہیں۔

یہ بات آصف علی زرداری نے قومی ادارہ برائے امراض قلب میں ڈاکٹر عاصم حسین کی عیادت کے بعد میڈیا سے گفتگو کرتے ہوئے کہی،اُن کے ہمراہ وزیرِاعلیٰ سندھ مراد علی شاہ اور پارٹی کے دیگر رہنما بھی موجود تھے۔

سابق صدر آصف علی زرداری نے ڈاکٹر عاصم کے معالجین سے ان کی طبیعت کے حوالے معلومات حاصل کیں اور ڈاکٹر عاصم حسین کو ہر ممکن طبی سہولیات فراہم کرنے کی ہدایات جاری کیں جب کہ بیرون ملک علاج معالجے میں حائل قانونی رکاوٹ کو دور کرنے کے لیے فاروق ایچ نائیک اور دیگر قانونی ماہرین کو مشاورت کو کہا۔

اس کے علاوہ ڈاکٹر عاصم کی ضمانت اور مقدمے کی پیروی کے حوالے سے بھی اعتزاز احسن ،سردار لطیف کھوسہ اور فاروق ایچ نائیک پر مبنی قانونی ٹیم بنادی ہے اور انہیں متحرک ہونے کی ہدایت کی ہے۔

آصف زرداری کی جانب سے تشکیل دی گئی قانونی ٹیم ڈاکٹر عاصم حسین کے مقدمات میں نہ صرف قانونی دفاع کرے گی بلکہ بیرون ملک علاج اور معالجے کے لیے جانے میں قانونی رکاوٹوں کو دور کرنے کے لیے عدالتی چارہ جوئی بھی کرے گی۔

Comments

comments

یہ بھی پڑھیں