تازہ ترین

‘میں نہیں چاہتا اسپیکر صاحب آپ کیخلاف بھی سپریم کورٹ جائیں’

سابق صدر آصف علی زرداری نے کہا ہے کہ میں نہیں چاہتاکہ اسپیکر صاحب آپ کیخلاف بھی سپریم کورٹ جائیں مودبانہ گزارش ہے وقت ضائع نہ کریں، ووٹنگ کرائیں۔

قومی اسمبلی کے جاری اجلاس میں اظہار خیال کرتے ہوئے سابق صدر آصف علی زرداری نے کہا کہ اسپیکر کی توجہ مبذول کرانا چاہتا ہوں آج ووٹنگ کا دن ہے، سپریم کورٹ کا فیصلہ آیا تو مارکیٹ اوپر گئی ،ڈالر تین روپے نیچے آیا،اس ماحول کو ختم کریں ، ووٹنگ کرائیں۔

انہوں نے کہا کہ میں ذاتیات پر بات نہیں کرنا چاہتا، اکثر جذبات میں لوگ کافی کچھ کہہ جاتے ہیں، کسی کا لیڈر کہتا ہے اس کی بندوق کی نالی پر میں ہوں، یہ شکاری بھی ہیں، کرکٹر بھی ہیں ملک بھی چلا رہے ہیں تو پھر رونا کس بات کا ہے۔

آصف علی زرداری نے مزید کہا کہ بہت سی چیزیں ہیں ان کو سمجھانے کی ضرورت ہے اور ایک دن ضرور سمجھیں گے، سوائے ایک شخص کے ہر پولیٹیکل فورس سے بات چیت ہوسکتی ہے۔

انہوں نے یہ بھی کہا کہ ان کے پاس ہمارے شاگرد بیٹھے ہیں جو ہماری یونیورسٹی سے گئے یہ سب واپس آئیں گے، کیونکہ پولیٹیکل یونیورسٹی تو صرف پیپلزپارٹی کے پاس ہے۔

Comments

- Advertisement -