The news is by your side.

’صحت اجازت دیتی تو سیلاب متاثرین کے پاس ہوتا‘

سابق صدر آصف زرداری نے کہا ہے کہ بارش اورسیلاب کی وجہ سےتکلیف دہ صورتحال ہے صحت اجازت دیتی توایسی صورتحال میں متاثرین کے پاس ہوتا۔

ایک بیان میں آصف زرداری نے کہا کہ بلاول بھٹو زرداری عوام کوتنہا نہیں چھوڑیں گے اللہ پر ایمان ہے قوم کو مشکل صورتحال سےنکال کر سرخرو ہوں گے۔

آصف زرداری نے اس عزم کا اظہار کیا کہ حکومت متاثرین کی دوبارہ بحالی کی ذمہ داری ضرورپوری کرے گی، پیپلزپارٹی کےوزرا،ممبران اسمبلی حلقوں کےعوام کےدرمیان رہیں۔

ان کا کہنا تھا کہ بینظیرانکم سپورٹ پروگرام کووسیع کرکےغریبوں کی ہرممکن مددکی جائے حکومت پاکستان بیت المال کو متحرک کر کےغریبوں کی مددکرے عوام کےقدموں میں سیاسی جنت ہےکہ اصول کومشعل راہ بنائیں۔

سابق صدر نے کہا کہ متاثرین سےوعدہ ہےکہ ان کی بحالی تک چین سےنہیں بیٹھیں گے سیاست بعد میں ہوتی رہے گی یہ وقت عوام کی بھرپور خدمت کا ہے۔

Comments

یہ بھی پڑھیں