The news is by your side.

Advertisement

نواز شریف اپنی ذات کے لیے ملکی سلامتی داؤ پر لگارہے ہیں، آصف زرداری

لاہور: سابق صدر آصف زرداری نے کہا ہے کہ نواز شریف اپنی ذات اور خاندان کے لیے ملکی سلامتی داؤ پر لگارہے ہیں۔

لاہور میں پارٹی رہنماؤں سے گفتگو کرتے ہوئے آصف علی زرداری نے کہا کہ نواز شریف ملکی اداروں کے ساتھ تصادم کا خطرناک کھیل کھیل رہے ہیں اور پاکستان کو اس طرف لے جارہے ہیں جہاں ملک کسی سے بھی سنبھل نہیں پائے گا۔

انہوں نے کہا کہ جس ملک کے ریاستی ادارے تباہ ہوجائیں وہ ملک خانہ جنگی کا شکار ہوجاتا ہے اور اس کا حال عراق، افغانستان اور لیبیا جیسا ہوجاتا ہے۔

آصف علی زرداری نے کہا کہ نواز شریف پارلیمنٹ اور عدلیہ سمیت تمام اداروں کو کمزور کرنا چاہتے ہیں اور اپنی ذات اور خاندان کی خاطر ملکی سلامتی کو داؤ پر لگارہے ہیں۔

سابق صدر نے کہا کہ نواز شریف ملک تباہ کرکے ماضی کی طرح بیرون ملک بھاگ جائیں گے لیکن ہم نے پاکستان میں ہی رہنا ہے، ہم میاں نواز شریف کو ملک کے ساتھ یہ کھیل کھیلنے نہیں دیں گے۔

یہ پڑھیں: اگلی حکومت پیپلزپارٹی کی ہوگی، آصف زرداری کا دعویٰ

واضح رہے کہ انہوں نے کہا تھا کہ اگلی حکومت پیپلزپارٹی کی ہوگی، تحریک انصاف بھی کے پی کے تک محدود ہے، لاہور میں شریف برادران کے پاؤں سکڑنا شروع ہوگئے ہیں۔

یاد رہے کہ آصف علی زرداری نے کہا تھا کہ نواز شریف اپنے اعمال کی وجہ سے اپنے انجام کو پہنچ رہے ہیں، میاں صاحب ہم سے سیکھنے کے بجائے مغرور ہوگئے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں