The news is by your side.

وہ دن دور نہیں جب پاکستان پولیو فری ملک کہلائے گا، آصفہ بھٹو زرداری

کراچی : شہید بینظیر بھٹو کی صاحبزادی آصفہ بھٹو زرداری نے کہا ہے کہ پولیو کے خاتمے کی جنگ میں ہم منزل پر پہنچنے والے ہیں اور وہ دن دور نہیں جب ہمارے ملک کا کوئی بھی بچہ پولیو سے متاثر نہیں ہوگا اور پاکستان کو پولیو فری ملک قرار دیا جائے گا۔

پولیو کے عالمی دن کے موقع پر آصفہ بھٹو زرداری نے کہا کہ میری ماں شہید بینظیر بھٹو کا یہ خواب تھا کہ ویکسین سے تحفظ ملنے والی بیماریوں کی وجہ سے کوئی بھی بچہ معذور نہ ہو، اب یہ ہم پر منحصر ہے کہ اس خواب کو تعبیر دیں۔

آصفہ بھٹو زرداری نے پولیو کے خاتمے کی جدوجہد میں شامل تمام اسٹیک ہولڈرز کی کاوشوں کا ہی نتیجہ ہے کہ 2014میں 300پولیوسے متاثرکیس تھے جبکہ 2015میں وہ کم ہوکر فقط 38 کیس رہ گئے ہیں، ہر 5 سال سے کم عمر بچے کو پولیو ویکسین کے دو قطرے ضرور پلائے جائیں اور جو بچے رہ گئے ہیں انہیں بھی اس مہم کا حصہ بنایا جائے۔

آصفہ بھٹو زرداری نے سندھ میں جنوری 2105میں پولیو کے خاتمے کے حوالے سے ایمرجنسی آپریشن سینٹر کے قیام پر مبارکباد دیتے ہوئے کہا کہ پولیو کے خاتمے کی تمام سرگرمیوں کے حوالے سے منصوبہ بندی، رابطہ کاری اور نگرانی میں اہم کردار ادا کیا ہے۔

آصفہ بھٹو زرداری نے پولیو ورکرز کو بھی خراج تحسین پیش کرتے ہوئے کہا کہ انتہائی مشکل حالات میں بھی پاکستان کے بچوں کے تحفظ کے لیے انتھک محنت کی ہے،اور اس کے ساتھ ساتھ مسلسل تعاون کرنے پر ڈبلیو ایچ او،یونیسیف، دی گیٹس فاوٴنڈیشن، روٹری انٹرنیشنل، یو اے ای اور دیگر کا بھی شکریہ ادا کرتی ہوں۔

آصفہ بھٹو زرداری نے تمام والدین سے اپیل کی ہے کہ وہ آگے آئیں اور اپنے بچوں کو معذور بنانے والی بیماری سے بچائیں، اپنے بچوں سے ان کا وہ مستقبل نہ چھینیں جس کا وہ حقدار ہیں،انہیں موقع دیں اور پولیو سے بچاوٴ کے ویکسین پلائیں۔

Print Friendly, PDF & Email

Comments

comments

یہ بھی پڑھیں