The news is by your side.

Advertisement

بھٹو خاندان کے لئے کوئی انصاف نہیں، آصفہ بھٹو

کراچی : سابق صدر آصف علی زرداری کی صاحبزادی آصفہ بھٹو زرداری کا بینظیر بھٹو قتل کیس سے متعلق کہنا ہے کہ بھٹو خاندان کے لئے کوئی انصاف نہیں۔

تفصیلات کے مطابق سابق صدر آصف علی زرداری کی صاحبزادی آصفہ بھٹو زرداری نے سماجی رابطے کی ویب سائٹ ٹوئٹر پر گذشتہ روز بینظیر بھٹو قتل کیس میں سابق پولیس افسران سعودعزیزاورخرم شہزادکی ضمانتیں منظور ہونے پر درعمل کا اظہار کرتے ہوئے کہا کہ فیصلے سے ثابت ہوگیا کہ بھٹو خاندان کیلئے کوئی انصاف نہیں ہے۔

آصفہ بھٹو نے کہا کہ عدالتوں نے ایک بارپھر بی بی شہیدکےفیصلے میں ہمیں ناامید کیا گیا۔

گذشتہ روز بینظیربھٹو قتل کیس میں سابق پولیس افسران سعودعزیزاورخرم شہزادکی ضمانتیں منظورکرلی گئیں تھیں اور دونوں کودو،دولاکھ کے ضمانتی مچلکے جمع کرانے کاحکم دیا تھا۔

خیال رہے کہ انسداد دہشت گردی عدالت نے دونوں افرادکو سترہ،سترہ سال قید اوردس لاکھ روپے جرمانے کی سزا سنائی تھی۔


مزید پڑھیں : بے نظیر قتل کیس فیصلہ: بلاول، بختاور اور آصفہ کے تحفظات


یاد رہے بے نظیر قتل کیس کا فیصلہ آنے کے بعد آصفہ بھٹو کا کہنا تھا کہ بے نظیر قتل کیس میں سہولت کاروں کو سزا ہوئی حقیقی قاتل آج بھی آزاد ہیں، مشرف سے اس جرم کا جوب نہ مانگا گیا تو انصاف نہیں ہوگا، ساتھ ہی انہوں نے مشرف کو گرفتار کرنے کا بھی مطالبہ کیا۔

اد رہے کہ  راولپنڈی کی انسداد دہشت گردی کی عدالت میں بے نظیر قتل کیس کی سماعت گزشتہ 9 برس سے جاری تھی جس کا آج تفصیلی فیصلہ سناتے ہوئے عدالت نے دو افراد کو جرم کی سزا سنائی جبکہ سابق صدر جنرل (ر) پرویز مشروف کو مفرور قرار دیتے ہوئے اُن کی جائیداد ضبط کرنے کا حکم بھی جاری کیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں