The news is by your side.

Advertisement

پولیو کے خاتمے بہت قریب پہنچ چکے ہیں، آصفہ بھٹوزرداری

کراچی : ملک میں بچوں کا مستقبل محفوظ بنانے کا عزم لیے ہوئے پاکستان میں پولیو کی سفیر آصفہ بھٹو زرداری نے پولیو کے عالمی دن کے حوالے سے کراچی میں پولیو مہم کے آغاز کے روز اپنے پیغام میں کہا ہے کہ پولیو کے خاتمے بہت قریب پہنچ چکے ہیں۔

پاکستان میں پولیو کے خاتمے کا عزم لیے آصفہ بھٹو زرداری نے اپنے ویڈیو پیغام میں پاکستانیوں سے مخاطب ہوکر کہا ہے کہ وہ اپنے بچوں کو پولیو ویکسین کے دو قطرے پلائیں، ان کا کہنا تھا کہ ہماری کوششوں سے پولیو کے کیسز میں نمایاں کمی آئی ہے، ہم اس طرح ہم اپنے بچوں اور ملک کو پولیو سے محفوظ رکھ سکتے ہیں۔

آصفہ بھٹو زرداری نے اس سے قبل 27 مئی کو کراچی میں پولیو کے قطرے پلائے، اس موقع پر ان کے ہمراہ متحدہ عرب امارات کے قونصل جنرل بھی تھے ۔

اس موقع پر انہوں نے گفتگو کرتے ہوئے کہا تھا کہ ہم پاکستان سے جلد پولیو کا خاتمہ کردیں گے۔

ایک طرف وفاقی اور صوبائی حکومتیں پولیو کے خاتمے کیلئے کام کررہی ہیں تو دوسری طرف بے نظیر بھٹو شہید کی بیٹی اور پاکستان میں پولیو کی سفیر آصفہ بھٹو زرداری بھی پاکستان میں پولیو کے خاتمے کیلئے سرگرم ہے۔


مزید پڑھیں : پولیو ایک خطرناک مرض ہے، جسے سندھ اور وفاقی حکومت ملکر ختم کریں گی، وزیراعلیٰ سندھ


آصفہ بھٹو نے کہا کہ ہمارے لئے ایک پولیو کیس بھی بہت زیادہ ہے، ہمیں پولیو کیسز کی تعداد صفر تک لیکر جانی ہے، اس طرح ہم اپنے بچوں اور ملک کو پولیو سے پاک رکھ سکتے ہیں۔

دوسری جانب انسداد پولیو مہم کی سرپرست اعلی شہناز وزیر علی نے میڈیا سے گفتگو کرتے ہوئے کہا کے سندھ اور وفاقی حکومت سیاست سے بالاتر ہوکر پولیو جیسے مرض کو ختم کرنا چاہتی ہے۔


مزید پڑھیں : پولیو کا عالمی دن، ملک بھر میں انسدادِ پولیو مہم شروع


شہناز وزیر علی نے مزید کہا کے شہید بینظیر بھٹو نے پولیو کے خاتمے کا پروگرام شروع کیا تھا اب پولیو کا خاتمہ کرکے دم لیں گے

Comments

comments

یہ بھی پڑھیں