پاکستان کے مشہور گلوکار عاصم اظہر نے ہانیہ عامر کے ساتھ شادی کی بڑھتی ہوئی خبروں کے دوران اپنے مداحوں کو ایک بڑی خوشخبری سنا دی ہے۔
سوشل میڈیا پر جہاں ایک طرف یہ قیاس آرائیاں کی جا رہی ہیں کہ عاصم اظہر جلد ہی ہانیہ عامر سے رشتہ ازدواج میں بندھنے والے ہیں، وہیں گلوکار نے اپنے جاری ‘عاصم علی’ کنسرٹ ٹور کو مزید وسعت دینے کا اعلان کیا ہے۔
اتوار 8 فروری کو عاصم اظہر نے انسٹاگرام پر اپنے سپر ہٹ البم ٹور کی نئی تاریخوں کا اعلان کیا۔ امریکا میں کامیاب شوز کے بعد اب وہ اپنے کنسرٹ ٹور کے لیے کینیڈا جا رہے ہیں۔
گلوکار عاصم نے اپنی پوسٹ میں لکھا کہ وہ کینیڈا کے مداحوں کو بہترین لائیو کنسرٹ کا تجربہ دینے کے لیے بے تاب ہیں۔ ان کے کینیڈا ٹور کا آغاز 16 اپریل کو ٹورنٹو سے ہوگا، جس کے بعد وہ مئی میں کیلگری، وینکوور اور مونٹریال میں پرفارم کریں گے۔
View this post on Instagram
یہ اعلان ان میڈیا رپورٹس کے بعد سامنے آیا ہے جن میں دعویٰ کیا گیا تھا کہ عاصم اظہر اور ہانیہ عامر کے درمیان صلح ہو گئی ہے اور وہ اس سال رمضان میں شادی کرنے والے ہیں۔
ذرائع کا کہنا ہے کہ میرب علی سے منگنی ختم ہونے کے بعد عاصم ایک بار پھر ہانیہ کے قریب آگئے ہیں، اگرچہ ہانیہ عامر نے حال ہی میں مداحوں کے تبصروں پر دلچسپ ردعمل دیا ہے، لیکن ابھی تک نہ تو عاصم اظہر اور نہ ہی ہانیہ عامر نے شادی کی ان خبروں کی باقاعدہ تصدیق یا تردید کی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں