کراچی: گلوکار عاصم اظہر نے اپنا نیا گانا ’سونیا‘ ریلیز کردیا جو مداحوں کو بھا گیا۔
تفصیلات کے مطابق گلوکار عاصم اظہر نے ’تم تم‘ کے بعد ایک اور نیا گانا ’سونیا‘ ریلیز کردیا گیا جسے مداحوں کی جانب سے خوب سراہا جارہا ہے جبکہ تم تم گانے پر ملے جلے ردعمل کا اظہار کیا گیا تھا، تم تم گانے کے آخر میں ہانیا عامر کی انٹری بھی ہوئی تھی۔
عاصم اظہر نے سماجی رابطے کی ویب سائٹ ٹویٹر پر چند گھنٹوں قبل گانے کی ویڈیو شیئر کی اور لکھا کہ ’دوستوں یہ میرے دل سے تم لوگوں کے لیے، امید ہے تمہیں پسند آئے گا۔‘
اُنہوں نے کہا کہ ’میں نے گانا ’سونیا‘ ایک سال پہلے تیار کیا تھا اور مجھے بالکل اُمید نہیں تھی کہ میں یہ گانا ریلیز کرسکوں گا کیونکہ بعض اوقات ہمیں زندگی میں بہت سے چیلنجز کا سامنا کرنا پڑتا ہے جس کی وجہ سے ہمارے بہت سے کام رُک جاتے ہیں۔‘
SONEYA IS OUT!!! ♥️♥️♥️😭 this ones from my heart to you you guys. hope you enjoy it ♥️https://t.co/wWtdhVYmUA
— Asim Azhar (@AsimAzharr) July 23, 2020
اے آر وائی ڈیجیٹل کی جانب سے بھی عاصم اظہر کے نئے گانے کی تصاویر شیئر کی گئیں اور مستقبل میں کامیابی کے لیے نیک خواہشات کا اظہار کیا۔
واضح رہے کہ ’تم تم‘ گانے پر اس سے قبل مداحوں نے تنقید کی تھی لیکن ’سونیا‘ گانے کو مداحوں کی جانب سے بہت پسند کیا جارہا ہے اور کچھ صارفین نے لکھا کے ’عاصم اظہر نے یہ نیا گانا اپنی دوست ہانیا عامر کے لیے گایا ہے۔
Here’s wishing @AsimAzharr the very best of luck for all his future endeavors.#Soneyahttps://t.co/afLAvPOaL0
— arydigitalasia (@arydigitalasia) July 24, 2020
واضح رہے کہ عاصم اظہر کا گانا ’سونیا‘ کنال ورما نے لکھا ہے جبکہ اس گانے کو کمپوز کرنے والے خود عاصم اظہر ہیں۔4 منٹ 14سیکنڈز پر مشتمل اس گانےکی ویڈیو پر چند ہی گھنٹوں میں 4 لاکھ سے زائد ویوز آچکے ہیں۔
واضح رہے کہ سماجی رابطے کی ویب سائٹ انسٹاگرام پر عاصم اظہر نے مداحوں کو آڑے ہاتھوں لیا تھا، ان کا کہنا تھا کہ ’ہانیا سے میرے رشتے کو کسی لیبل کی ضرورت نہیں ہے لہٰذا سارے آرام سے بیٹھو ہر جگہ پھپھو بننے کی ضرورت نہیں ہے۔
