لیفٹیننٹ جنرل عا صم سلیم باجوہ نے کمانڈر سدرن کمانڈ کا عہدہ سنبھال لیاAsim
The news is by your side.

Advertisement

لیفٹیننٹ جنرل عا صم سلیم باجوہ نے کمانڈر سدرن کمانڈ کا عہدہ سنبھال لیا

کوئٹہ : لیفٹیننٹ جنرل عا صم سلیم باجوہ نے کمانڈر سدرن کمانڈ کا عہد ہ کاسنبھال لیا۔

تفصیلا ت کے مطابق سدرن کمانڈ کوئٹہ میں سدرن کمانڈ کی کمان کی تبدیلی کی پروقار تقر یب منعقد ہوئی، جس میں لیفٹیننٹ جنرل عامر ریاض نے لیفٹیننٹ جنرل عاصم سلیم باجوہ کو سدرن کمانڈ کی چھڑی حوالے کی اور با قاعدہ طور پر کمانڈر سدرن کمانڈ کی کمان سونپی۔

تقریب میں وزیراعلی بلوچستان نواب ثناء اللہ زہری ، صوبائی وزیر چنگیز مری اور انسپکٹر جنرل فرنٹیئر کور میجر جنرل ندیم انجم سمیت اعلی سیاسی اور عسکری حکام نے شرکت کی۔

سدرن کمان کے نئے کمانڈر لیفٹیننٹ جنرل عاصم سلیم باجوہ پاک فوج میں شاندار کیئریر کے حامل افسر ہیں، اس سے قبل جی ایچ کیو میں آئی جی آرمز کی ذمہ داریاں نبھا رہے تھے جبکہ انھوں نے ڈی جی آئی ایس پی آر کے عہدے پر طویل ترین مدت کے لیئے خدمات انجام دیں اور آپریشن راہ نجات کے دوران جی او سی جنوبی وزیرستان بھی تعینات رہے۔


مزید پڑھیں :عاصم سلیم باجوہ کمانڈر سدرن کمان، جنرل عامر ریاض کور کمانڈر لاہور تعینات


لیفٹیننٹ جنرل عامر ریاض نے تقریب سے خطاب کرتے ہوئے صوبے کی موجودہ صورتحال کے حوالے سے کہا کہ قانون نافذ کرنے والے اداروں نے صوبے میں امن و امان بحال کردیا ہے ، جس نے صوبے میں ترقی کیلئے راستہ کھول دیا ہے۔

عامر ریاض نے مزید کہا کہ بلوچستان نے بہت سے چیلنجوں کا سامنا کرنا پڑا، لیکن اللہ کی نعمتوں اور سول اور فوجی قیادت اور سیکیورٹی فورسز کی مشترکہ کوششوں سے ان چیلنجوں کو پورا کرنے میں کامیابی حاصل کی۔

انہوں نے خبردار کیا کہ دشمن پاکستان کو نقصان پہنچانے کے لئے تمام حکمت عملی استعمال کررہا تھا اور آسان اہداف کو نشانہ بناتا ہے ، جسے جھل مگسی میں مزار شریف پر خود کش حملہ ہوا۔

خیال رہے کہ لیفٹیننٹ جنرل عامرریاض کو کورکمانڈر لاہور تعینات کیا گیا ہے، وہ اگلے ہفتے کور کمانڈر لاہور کے عہدے کا چارج سنبھالیں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں