site
stats
سندھ

سندھ پولیس سے ڈاکٹر عاصم کی ویڈیو لیک ہونے کی حتمی رپورٹ طلب

کراچی : قومی اسمبلی کی قائمہ کمیٹی اطلاعات و نشریات کی ذیلی کمیٹی نے سندھ پولیس سے ڈاکٹر عاصم کی ویڈیو لیک ہونے کی حتمی رپورٹ چھبیس ستمبر تک طلب کر لی۔

قومی اسمبلی کی قائمہ کمیٹی اطلاعات و نشریات کی ذیلی کمیٹی کا عمران ظفر لغاری کی صدارت میں اجلاس ہوا، عمران ظفر لغاری نے سیکرٹری داخلہ کی اجلاس میں عدم شرکت پر برہمی کا اظہار کیا۔

عمران ظفر لغاری کا کہنا تھا کہ وزیرداخلہ ایوان میں دعوی کرتے ہیں کہ وہ اور ان کی وزارت پارلیمان کو جوابدہ ہے، مگر لگتا ہے کچھ اورہے، ڈی آئی جی ایسٹ سندھ پولیس ڈاکٹر کامران نے کمیٹی کو بتایا پولیس حراست میں ڈاکٹر عاصم کی ویڈیو نہیں بنی، ڈاکٹر عاصم رینجر، اورنیب کی حراست میں بھی رہے، عمران ظفر لغاری کا کہنا تھا صرف وہ ویڈیوز لیک ہوتی ہیں جن کے سیاسی مقاصد ہوتے ہیں۔

کمیٹی نے وزیر اعلی سندھ اور وزیر داخلہ چوہدری نثار علی خان کو تمام متعلقہ اداروں کو تفتیش میں مدد کا پابند بنانے کے حوالے سے خط بھیج دیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top