The news is by your side.

Advertisement

کراچی پارک میں جھولا گرنے کا مقدمہ انتظامیہ کیخلاف درج، قتل کی دفعات شامل

کراچی : پرانی سبزی منڈی کے قریب پارک میں جھولا گرنے کا مقدمہ درج کرلیا گیا، پی آئی بی تھانے میں انتظامیہ کیخلاف درج مقدمے میں کسی شخص کو نامزد نہیں کیا گیا۔

تفصیلات کے مطابق گزشتہ رات کراچی کے علاقے پی آئی بی کالونی میں یونیورسٹی روڈ امیوزمنٹ پارک میں گرنے والے جھولے کے ذمہ داران کو کیفر کردار تک پہنچانے کیلئے مقدمہ درج کرلیا گیا۔

جھولا گرنے کا مقدمہ تھانہ پی آئی بی میں انتظامیہ کیخلا ف درج کیا گیا، ایس پی گلشن مرتضیٰ بھٹو کا کہنا ہے کہ مقدمے میں کسی شخص کو نامزد نہیں کیا گیا ہے، مقدمے میں قتل، غفلت ولاپرواہی کی دفعات شامل کی گئیں ہیں۔

واضح رہے کہ گزشتہ روز پارک کا جھولا گرنے سے تیرہ سالہ بچی کشف جاں بحق اور18افراد زخمی ہوئے تھے۔ حادثے کے بعد نگراں وزیر اعلیٰ سندھ فضل الرحمان کی ہدایت پر شہرکے تمام پارک بند کردیئے گئے، جنہیں مکمل جانچ پڑتال بعد کھولا جائے گا۔

مزید پڑھیں: پرانی سبزی منڈی کے پارک میں جھولا گر گیا، ایک بچی جاں بحق، متعدد زخمی

علاوہ ازیں پارک حادثے کے حوالے سے ذرائع کا کہنا ہے کہ چلتے ہوئے جھولے کے نٹ بولٹ نکلے ہوئے تھے، جس کے باعث حادثہ پیش آیا۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں