کراچی: قومی ٹیم کے فاسٹ بولر وہاب ریاض نے ٹیم میں سرفراز احمد اور اظہر علی کو اپنا بہترین دوست قرار دے دیا۔
قومی ٹیم کے فاسٹ بولر اور پی ایس ایل میں پشاور زلمی کے کپتان وہاب ریاض نے ٹویٹر پر مداحوں کے ساتھ سوال و جواب کا سیشن رکھا اور مداحوں کے مختلف سوالات کے جوابات دئیے۔
مومنہ نامی صارف نے وہاب سے سوال کیا کہ قومی ٹیم میں آپ کے بہترین دوست کون ہیں؟ اس پر فاسٹ بولر نے سرفراز احمد اور اظہر علی کو بہترین دوست قرار دیا۔
Sarfaraz Ahmed and Azhar Ali
— Wahab Riaz (@WahabViki) January 19, 2022
وہاب ریاض نے پسندیدہ بولر کے سوال پر وسیم اکرم کا نام لیا۔
Very humble and supportive
— Wahab Riaz (@WahabViki) January 19, 2022
ایک صارف نے کہا کہ شاہد آفریدی کو ایک لفظ میں بیان کریں، وہاب ریاض نے بوم بوم کو بہت عاجز اور مدد کرنے والا کہا۔
عمران علی نامی صارف نے پسندیدہ ملک کے بارے میں پوچھا تو انہوں نے ’پاکستان‘ کا نام لیتے ہوئے کہا کہ پاکستانی ہونے پر فخر ہے۔‘
Proud to be a 🇵🇰
— Wahab Riaz (@WahabViki) January 19, 2022
خاتون صارف نے سوال کیا کہ بطور کرکٹر عمران خان کے بارے میں کیا کہیں گے؟ اس پر وہاب نے ایک لفظ ’محنتی‘ لکھا۔
پشاور زلمی کے مداح نے کہا کہ ’کپتان اس بار ٹرافی ہماری ہوگی ؟‘ فاسٹ بولر نے کہا کہ ’انشاا اللہ‘ ہماری ہوگی‘
احمد شہزاد نے سوال کیا کہ کس بولر کو بولنگ کرنا زیادہ پسند کرتے ہیں، اس پر وہاب نے مسکراتے ہوئے جواب دیا کہ ’جو پہلی ہی گیند پر آؤٹ ہوجائے۔‘
Jera pehli e gaind tey out jo javay 😂🤣
— Wahab Riaz (@WahabViki) January 19, 2022
بھارتی مداح نے وہاب ریاض سے فٹنس سے متعلق سوال کیا اس پر انہوں نے کہا کہ فٹنس ہمیشہ پہلی ترجیح رہی ہے۔‘
