The news is by your side.

Advertisement

اسلام آباد : اسلحہ اسمگلنگ کی کوشش ناکام، دوملزمان گرفتار

اسلام آباد : پولیس نےاسلحہ اسمگل کرنےکا منصوبہ ناکام بنادیا، کارروائی کرکے گاڑی سےبڑی تعداد میں اسلحہ اورہزاروں گولیاں برآمد کرکے دو ملزمان کو گرفتار کرلیا۔

تفصیلات کے مطابق اسلام آباد کی تھانہ ترنول پولیس نے خیبرپختونخواسے پنجاب اسلحے کی اسمگلنگ کی کوشش ناکام بنادی۔

دوران اسپیشل چیکنگ ٹول پلازہ موٹروے سے مخبر خاص کی اطلاع پر سوزوکی کلٹس گاڑی رجسٹریشن نمبر342 ایل زیڈ یو کو روکا جس میں دو آدمی سوار تھے۔

چیکنگ کے دوران کار سے بڑی تعداد میں اسلحہ اورگولہ بارود برآمد ہوا۔ جس میں پستول، رپیٹر، ایس ایم جی اور دیگر جدید اسلحہ شامل ہے۔

پولیس نے کار میں سوار دو افراد ندیم اللہ اورکامران حیدر کو حراست میں لے کرتفتیش شروع کردی۔ پولیس کا کہنا ہےکہ ملزمان اسلحہ خیبرپختونخواسے پنجاب اسمگل کرنے کی کوشش کررہے تھے۔

یہ اسلحہ پنجاب میں دہشت گردی کی بڑی کارروائی میں استعمال کیا جانا تھا۔ گرفتار ملزمان سے مزید تفتیش جاری ہے.

 

Comments

comments

یہ بھی پڑھیں