عاصمہ رانی قتل کیس: ملزم مجاہد انتہائی مطلوب افراد کی فہرست میں شامل:ASMA CASE
The news is by your side.

Advertisement

عاصمہ رانی قتل کیس: ملزم مجاہد انٹرپول کی انتہائی مطلوب افراد کی فہرست میں شامل

پشاور: ایبٹ آباد میڈیکل کالج کی طالبہ عاصمہ رانی کو فائرنگ کر کے قتل کرنے والے ملزم مجاہد آفریدی کو انٹرپول حکام کی جانب سے انتہائی مطلوب افراد کی فہرست میں شامل کر لیا گیا ہے۔

تفصیلات کے مطابق ملزم مجاہد کی تصویر انٹر پول کی ویب سائٹ پر جاری کرتے ہوئے عوام سے اپیل کی گئی کہ وہ ملزم کی شناخت اور گرفتاری کے لیے قانون نافذ کرنے والے ادارے کی مدد کریں۔

wanted

ملزم کا نام انتہائی مطلوب افراد کی فہرست شامل خیبر پختون خواہ پولیس کے انٹرپول سے رابطے کے بعد کیا گیا۔

یاد رہے کہ 29 جنوری کو کوہاٹ میں مجاہد آفریدی نے رشتے سے انکار پر میڈیکل کالج میں زیر تعلیم ایم بی بی ایس تھرڈ ایئر کی طالبہ عاصمہ رانی کو فائرنگ کر کے قتل کردیا تھا جس کے فوری بعد ملزم اسلام آباد کے بینظیر بھٹو انٹرنیشنل ایئر پورٹ سے غیر ملکی پرواز کے ذریعے سعودی عرب فرار ہو گیا۔

عاصمہ رانی کا قاتل اب تک آزاد ہے، کیس پر سیاست نہ کی جائے،صفیہ رانی

بعدازاں 30 جنوری کو چیف جسٹس میاں ثاقب نثار نے کوہاٹ میں میڈیکل کی طالبہ عاصمہ رانی کے قتل کا ازخود نوٹس لیتے ہوئے آئی جی خیبرپختونخواہ صلاح الدین محسود سے 24 گھنٹوں میں رپورٹ طلب کی تھی۔

عاصمہ رانی قتل کیس: مرکزی ملزم کا قریبی دوست گرفتار

واضح رہے 2 فروری کو پولیس نے عاصمہ کے قتل کے مفرور ملزم مجاہد آفریدی کے دوست اور معاون شاہ زیب کو گرفتار کیا جو عاصمہ کی جاسوسی میں ملوث ہے، قتل کے وقت بھی وہ ملزم مجاہد کے ساتھ ہی تھا اور اسی نے واردات کے بعد مجاہد کو فرارد ہونے میں مدد فراہم کی تھی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں