The news is by your side.

Advertisement

حکومت انصاف فراہم کرے، عاصمہ کی بہن کا ویڈیو بیان جاری

پشاور : کوہاٹ میں قتل ہونے وال میڈیکل کی طالبہ عاصمہ رانی کی بہن صوفیہ رانی کا کہنا ہے کہ مجھے اور میری بہن کو پہلے بھی دھمکیاں ملی تھیں، روز ایسے واقعات ہوتے ہیں، حکومت کچھ نہیں کررہی، ہمیں انصاف چاہیے۔

یہ بات انہوں نے اپنے ایک ویڈیو بیان میں کہی، مقتولہ عاصمہ رانی کی بہن صفیہ رانی کا ایک ویڈیو بیان سامنے آیا ہے جس میں ان کا کہنا ہے کہ پھول جیسی بہن کوبے دردی سے گولیاں ماری گئیں۔

انہوں نے کہا کہ مجھے اور میری بہن کو پہلے بھی دھمکیاں ملی تھیں، ہم غریب گھرانے سے تعلق رکھتے ہیں، ہمیں انصاف فراہم کیا جائے، روز ایسے واقعات ہوتےہیں، حکومت کیوں کچھ نہیں کررہی؟

صوفیہ رانی کا مزید کہنا تھا کہ عاصمہ رانی کو بڑی مشکل سے پڑھایا، بیرون ملک کام کرکے اس کی پڑھائی کے اخراجات پورے کررہی تھی، بہن نے کہا تھا کہ جب آپ واپس آؤگی تو میں ڈاکٹربن چکی ہوں گی۔

عاصمہ کی بہن نے زارو قطار روتے ہوئے کہا کہ ہم بہت غریب لوگ ہیں پھر بھی اس کو پڑھارہے تھے،عمران خان اورحکومت سے درخواست ہے کہ ہمیں انصاف دیا جائے۔

ملزم کوابھی تک گرفتارکیوں نہیں کیا گیا؟ ہمیں انصاف چاہیے،مقتولہ عاصمہ کی بہن نے تمام پاکستانیوں سےدرخواست کی ہے کہ میری بہن کیلئے آواز اٹھائیں۔


مزید پڑھیں: کوہاٹ، میڈیکل کی طالبہ کا قتل، چیف جسٹس کا ازخود نوٹس


علاوہ ازیں اس حوالے سے کوہاٹ پولیس کا کہنا ہے کہ عاصمہ رانی کے قاتل کو انٹرپول کے ذریعے لانے کی کوشش کریں گے، ملزم مجاہد آفریدی قتل کے فوری بعد عمرے کے ویزے پر سعودی عرب چلا گیا، قتل میں سہولت کاری کے الزام پر ملزم کے بھائی کو گرفتار کرلیا گیا ہے۔

Comments

comments

یہ بھی پڑھیں