The news is by your side.

Advertisement

شیشہ بارکسی صورت چلنے نہیں دوں گی، سوہائی عزیز

کراچی : اے ایس پی کلفٹن سوہائی عزیز نے کہا ہے کہ ڈی ایچ اے اور کلفٹن ایریا میں شیشہ بار کسی صورت چلنے نہیں دوں گی، چھاپے کے دوران اہلکاروں نے کولڈڈرنک پی تھی ان سے باز پرس کی جائے گی۔

تفصیلات کے مطابق درخشاں تھانے کی حدود میں پولیس کی جانب سے کلفٹن کے ریسٹورنٹ پر چھاپے سے متعلق وضاحت دیتے ہوئے اے ایس پی پی کلفٹن نے کہا کہ کلفٹن میں واقع مراکن شیشہ بار پر چھاپہ مارا گیا تھا۔

سی سی ٹی وی فوٹیج میں دیکھا گیا ہے کہ چھاپے کے دوران اہلکاروں نے کولڈ ڈرنک پی تھی، اہلکاروں نے غیر پیشہ وارنہ حرکت کی، ان اہلکاروں سے باز پرس کی جائے گی۔

مراکن شیشہ بار پر دو ماہ میں پانچ مقدمات درج ہوئے ہیں، ڈی ایچ اے اور کلفٹن ایریا میں شیشہ بار چلنے نہیں دوں گی، شیشہ بار کے خلاف کارروائیاں جاری رہیں گی۔

علاوہ ازیں اس حوالے سے ایس ایس پی ساؤتھ پیرمحمد شاہ نے کہا ہے کہ کراچی میں ریسٹورنٹ پر چھاپے کے دوران مضر صحت تمباکو شیشہ برآمد ہوا ہے۔

ان کا کہنا ہے کہ مورو کین کیفے پر شیشہ بار چلائے جانے کی اطلاع پر چھاپہ ماراگیا۔ خفیہ طور پر شیشہ بار چلائے جانے پر ملزمان کے خلاف مقدمہ درج کیا گیا تھا۔

ایس ایس پی ساؤتھ کا کہنا ہے کہ چھاپے کے دوران ریسٹورنٹ سے انرجی ڈرنک پینے پر چار اہلکاروں کو معطل کیا گیا ہے۔ پیر محمد شاہ کا کہنا تھا کہ ایس پی کلفٹن کی جانب سے پرائیویٹ پارٹی چلائے جانے کی خبر بے بنیاد ہے۔

مزید پڑھیں: کراچی میں  پولیس ٹیم کا ریسٹورنٹ پر دھاوا، ویڈیو دیکھیں

واضح رہے کہ درخشاں تھانے کی پولیس ٹیم نے اے ایس پی سوہائے عزیز کے ہمراہ کلفٹن کے ریسٹورنٹ پر دھاوا بولا، اس دوران ملازمین اور گاہکوں کو یرغمال بنایا۔

چھاپے مارنے والی نفری میں پچاس سے زائد اہلکار شامل تھے کچھ اہلکار سادہ لباس جبکہ کچھ وردی میں ملبوس تھے، ان اہلکاروں کے ہاتھ میں کھانے یا پینے کی جو بھی چیز لگی انہوں نے بغیر اجازت کے استعمال کرلیا۔

پچاس سے زائد پولیس اہلکاروں مشتمل اسپیشل ٹیم کے ممبران ملزمان کی تلاش کا بہانہ بنا کر ہوٹل میں داخل ہوئے اور انہوں نے ایک گھنٹے تک عملے، گاہکوں کو یرغمال بنائے رکھا۔

Comments

comments

یہ بھی پڑھیں