دبئی: سری لنکا نے پاکستان کو 23 رنز سے شکست دے کر چھٹی بار ایشیا کپ کا ٹائٹل اپنے نام کرلیا۔
دبئی میں کھیلے جانے والے ایشیا کپ کے فائنل میچ میں قومی ٹیم 171 رنز کے تعاقب میں مقررہ اوورز میں147 رنز پر آل آؤٹ ہوگئی۔
محمد رضوان کی 55 رنز کی اننگز بھی ٹیم کے کام نہ آسکی، افتخار احمد 32 رنز بنا کر نمایاں رہے۔
بابر اعظم5، محمد نواز 6 اور فخر زمان بغیر کوئی رن بنائے پویلین لوٹ گئے۔
💔
Congratulations @OfficialSLC for winning the Asia Cup.#AsiaCup2022 | #SLvPAK pic.twitter.com/1EB2EZt8Ts
— Pakistan Cricket (@TheRealPCB) September 11, 2022
آصف علی بھی بغیر کوئی رن بنائے کلین بولڈ ہوئے، خوشدل شاہ صرف 2 رنز کے مہمان ثابت ہوئے۔
سری لنکا کی جانب سے پرامود مدوشن نے چار وکٹیں حاصل کیں جبکہ ونندو ہسارنگا تین کھلاڑیوں کو پویلین کی راہ دکھائی۔
اس سے قبل سری لنکا نے مقررہ اوورز میں 6 وکٹوں کے نقصان پر 170 رنز بنائے اور پاکستان کو جیت کے لیے 171 رنز کا ہدف دیا تھا۔
.@iMRizwanPak made a valiant 55 🏏#AsiaCup2022 | #SLvPAK pic.twitter.com/TxI68bCY8u
— Pakistan Cricket (@TheRealPCB) September 11, 2022
ابتدائی 5 وکٹیں 58 رنز پر گرنے کے بعد دھنن جیا ڈی سلوا اور بھنوکا راجا پکسے نے شاندار شراکت داری قائم کی,راجا پکسے نے شاندار 71 رنز کی اننگز کھیلی۔
دھنن جیا ڈی سلوا 25 رنز بنا کر افتخار احمد کی گیند پر آؤٹ ہوئے، ونندو ہسارنگا نے 36 رنز کی ذمہ دارانہ اننگز کھیلی۔
کوشل میڈس بغیر کوئی رن بنائے آؤٹ ہوئے، پتھون نسانکا کو 8 رنز پر حارث رؤف نے پویلین روانہ کیا۔
Pramod Madushan bagged a 4-fer in the #AsiaCup final!
Definitely a spell to remember! 🙌#RoaringForGlory #SLvPAK pic.twitter.com/xtOn1ddpu2— Sri Lanka Cricket 🇱🇰 (@OfficialSLC) September 11, 2022
پاکستان کی جانب سے حارث رؤف نے تین کھلاڑیوں کو پویلین کی راہ دکھائی، شاداب خان، افتخار احمد اور نسیم شاہ نے ایک، ایک وکٹ حاصل کی۔
اس سے قبل قومی ٹیم کے کپتان بابراعظم نے ٹاس جیت کر سری لنکا کو پہلے بیٹنگ کی دعوت دی تھی.
قومی ٹیم میں دو تبدیلیاں کی گئی ہیں اور عبدالقادر کی جگہ شاداب خان، حسن علی کی جگہ نسیم شاہ کی اسکواڈ میں واپسی ہوئی ہے.
Our team for the final 👊#AsiaCup2022 | #SLvPAK pic.twitter.com/NAlw3PH6sZ
— Pakistan Cricket (@TheRealPCB) September 11, 2022
بابر اعظم کا کہنا تھا کہ ٹیم کا اعتماد بلند ہے فائنل میں پہنچنا ایک خواب ہے ایونٹ میں ہر کھلاڑی نے پرفارم کرکے دکھایا ہے۔
سری لنکن کپتان شناکا کا کہنا تھا کہ ٹاس جیت کر ہم بھی پہلے بولنگ ہی کرتے لیکن اچھی کارکردگی دکھا کر فائنل جیتنے کی کوشش کریں گے۔
Unchanged.
Our 11 to battle for #AsiaCup glory tonight.👊#RoaringForGlory #SLvPAK pic.twitter.com/MtUkTnyC96— Sri Lanka Cricket 🇱🇰 (@OfficialSLC) September 11, 2022
سری لنکا کو شکست دے کر قومی ٹیم تیسری بار ایشیا کپ جیت سکتی ہے.
ٹی 20 مقابلوں میں دونوں ٹیمیں 22 بار ٹکرائی ہیں، 13 پاکستان نے جیتے، جب کہ 9 سری لنکا کے نام رہے، آج شاہین جیت کا عزم لے کر میدان میں اتریں گے، اور 2014 ایشیا کپ فائنل کی ہار کا بدلہ چکائیں گے۔