تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

قومی اسمبلی میں ہنگامہ آرائی ، وزیراعظم کی اسپیکر کو آئین اورقانون کے مطابق کارروائی کی ہدایت

اسلام آباد : وزیراعظم عمران خان نے گزشتہ روزایوان میں پیش آئے واقعے پر اظہارافسوس کرتے ہوئے کہا اسپیکر کو آئین اورقانون کے مطابق کارروائی کرنے کی ہدایت کردی۔

تفصیلات کے مطابق وزیراعظم عمران خان سے اسپیکرقومی اسمبلی کی ملاقات ہوئی ، ملاقات میں اسدقیصرنےپارلیمان میں افسوسناک واقعےسےوزیراعظم کوآگاہ کرتے ہوئے کہا کہ ایوان میں اپوزیشن اورحکومتی ارکان دونوں جانب سےہنگامہ آرائی ہوئی ، ایوان کاتقدس پامال کرنےوالےاراکین کیخلاف بلا تفریق کارروائی کروں گا۔

اسپیکرقومی اسمبلی کا کہنا تھا کہ اجلاس کی مکمل فوٹیجزمنگواکربغورجائزہ لیاگیاہے، ڈپٹی اسپیکراورسیکرٹری قومی اسمبلی کی موجودگی میں ویڈیوزکا جائزہ لیا۔

وزیراعظم عمران خان نے گزشتہ روز ایوان میں پیش آئے واقعے پر اظہارافسوس کرتے ہوئے اسپیکر کو آئین اورقانون کے مطابق کارروائی کرنے کا کہہ دیا۔

اسپیکر قومی اسمبلی اسد قیصر نے ایوان میں پیش آنے والے واقعات کی تحقیقات کرنے اور ملوث اراکین کو کل تک سزا دینے اعلان کردیا۔

گذشتہ روز اے آر وائی نیوز کے پروگرام پاور پلے میں گفتگو کرتے ہوئے اسپیکر اسد قیصر نے آج قومی اسمبلی میں پیش آنے والے واقعات پر تحقیقات کا اعلان کرتے ہوئے کہا کہ ’آج کے واقعات کی مکمل تحقیقات کرائی جائیں گی‘۔

انہوں نے اعلان کیا تھا کہ ’غیرپارلیمانی یا بد زبانی کرنے والے ارکان کو (بطور سزا) کل ایوان میں داخلےکی اجازت نہیں ہوگی، ’اپوزیشن اور حکومتی اراکین نے آج ہنگامہ آرائی کے دوران ایک دوسرے کے خلاف نازیبا زبان استعمال کی‘۔

اسد قیصر نے اپوزیشن اور حکومتی اراکین کے رویے کو قابلِ مذمت اور مایوس کن قرار دیا تھا۔

Comments

- Advertisement -