نظام شمسی کے پانچویں اور سب سے بڑے سیارے مشتری کے گرد محو سفر مزید 12 چاند دریافت کرلیے گئے جس کے بعد مشتری کے چاندوں کی تعداد 79 ہوگئی ہے۔
مذکورہ دریافت واشنگٹن میں واقع کارنیگی انسٹی ٹیوٹ آف سائنس کے ماہرین فلکیات نے طاقتور ترین دوربینوں کی مدد سے کی۔
حالیہ دریافت کے بعد مشتری سب سے زیاد چاند رکھنے والا سیارہ بن گیا ہے۔
ادارے کے ماہرین کے مطابق مشتری کے نئے چاندوں کی حرکت کا ایک سال تک مشاہدہ کیا گیا جس کے بعد اب ان کی دریافت کا حتمی اعلان کردیا گیا ہے۔
ماہرین کے ابتدائی اندازے کے مطابق یہ چاند دراصل اسی مادے سے بنے ہیں جس سے سیارہ مشتری تخلیق ہوا۔ یہ ٹکڑے سیارے سے جڑنے سے رہ گئے جس کے بعد اب یہ چاندوں کی صورت میں مشتری کے گرد گھوم رہے ہیں۔
مزید پڑھیں: سیارہ مشتری کے عظیم طوفان کی جھلک
نو دریافت شدہ 12 میں سے تین چاندوں کو مشتری کے گرد ایک چکر مکمل کرنے میں زمین کے 2 سال یعنی 730 دن لگ جاتے ہیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں