The news is by your side.

Advertisement

افغانستان، طالبان کا پولیس چیک پوسٹ پر حملہ، 10 اہلکار ہلاک

کابل: افغانستان کے وسطی صوبے دائکنڈی پولیس چیک پوسٹ پر طالبان کے حملے کے نتیجے میں 10 پولیس اہلکار ہلاک ہوگئے۔

غیرملکی خبررساں ادارے کے مطابق افغانستان کے وسطی صوبے دائکنڈی میں طالبان نے پولیس چیک پوسٹ پرحملہ کیا جس کے نتیجے میں 10 پولیس اہلکار ہلاک ہوگئے، دوسرے واقعے میں افغان ضلع پاٹو میں طالبان کے حملے میں 15 پولیس اہلکار زخمی ہوگئے۔

گورنر انور رحمتی کے مطابق طالبان کی جانب سے کیے جانے والے حملے کے جواب میں کارروائی کی گئی جس میں متعدد طالبان بھی زخمی ہوئے۔

طالبان ترجمان قاری یوسف احمدی نے افغان ضلع پاٹو میں حملے کی ذمہ داری قبول کرلی تاہم ان کی جانب سے واقعے کے حوالے سے مزید تفصیلات نہیں بتائی گئیں۔

مزید پڑھیں: طالبان نے امریکا سے حتمی معاہدے کی امید ظاہر کردی

واضح رہے کہ گزشتہ ماہ افغانستان کے جنوبی صوبے بادغیس میں طالبان کے حملے میں 21 افغان کمانڈوز ہلاک ہوگئے تھے۔

یاد رہے کہ امریکا اور طالبان کے مابین گزشتہ چند ماہ سے مذاکرات کا سلسلہ جاری ہے۔

امریکا اور افغان طالبان کے مابین افغانستان میں 18 سال سے جاری جنگ ختم کرنے کے لیے دو اہم نکات زیر بحث رہے جس میں افغانستان سے امریکی فوجیوں کا انخلا سمیت طالبان اس بات کو یقینی بنائیں گے کہ افغانستان کی سرزمین کو دہشت گردوں کی آماجگاہ نہیں بننے دیں گے جو عالمی حملے کرسکے۔

خیال رہے کہ امریکا اور طالبان کے درمیان مذاکرات کا اگلا دور جلد دوحہ میں شروع ہوگا، دونوں فریقین نے امید ظاہر کی ہے کہ اگلے مذاکراتی دور میں حتمی پیش رفت ممکن ہے۔

Comments

comments

یہ بھی پڑھیں