تازہ ترین

بھارت: مون سون بارشوں نے تباہی مچا دی، 113 ہلاکتوں کی تصدیق

دہلی: بھارت میں مون سون بارشوں نے تباہی مچا دی، 113 افراد کی ہلاکتوں کی تصدیق ہوگئی.

تفصیلات کے مطابق اتر پردیش اور بہار کی ریاستوں نے میں تیز ہواؤں کے ساتھ ہونے والی طوفانی بارشوں نے سو برس کا ریکارڈ توڑ ڈالا.

میڈیا رپورٹس کے مطابق یہ ان ریاستوں میں گزشتہ 102 برس میں ہونے والی سب سے زیادہ بارشیں ہیں۔

بھارتی حکام نے اپنے تازہ اعلان میں کہا ہے کہ سب سے زیادہ نقصان اتر پردیش اور بہار کی ریاستیں میں ہوا۔

نشیبی علاقے ڈوب گئے، نظام مواصلات درہم برہم ہوگیا، سڑکیں تالاب بن گئیں اور بجلی بند ہوگئی۔ بڑے شہروں میں امدادی کارروائی جاری ہے، البتہ چھوٹے قصبے زیادہ متاثر ہوئے ہیں۔

خیال رہے کہ بھارت میں مون سون کی بارشوں کا سلسلہ جون میں شروع ہو کر ستمبر کے اوائل تک جاری رہتا ہے، البتہ اس برس شدت ماضی سے زیادہ ہے۔

بھارتی محکمہ موسمیات کے مطابق اگلے چند دنوں میں بارشوں کی شدت کم ہو جائے گی۔

Comments

- Advertisement -