کابل: افغانستان کے صوبے ہلمند میں بینک کے باہر کار بم دھماکے میں کم از کم 34 افراد ہلاک اور60کے قریب زخمی ہوگئے ہیں۔
تفصیلات کےمطابق افغانستان کے جنوبی صوبے ہلمند میں بینک کے باہر ہجوم کے قریب ہونے والے کار بم دھماکے میں 34 افراد ہلاک اور 60 زخمی ہوگئے۔
یہ دھماکہ لشکر گاہ میں نیو کابل بینک کے برانچ کے دروازے پر کیا گیا ہے۔ہلاک اور زخمیوں میں عام شہری اورسکیورٹی فورسز کے لوگ شامل ہیں۔
پولیس ترجمان سلام افغان نےبتایا دھماکہ اس وقت ہوا جب عام لوگ اور اہلکار اپنی تنخواہیں لینے کے لیے بینک کے باہر قطار میں کھڑے تھے۔
دوسری جانب افغان چیف ایگزیکٹیو عبداللہ عبداللہ کے ترجمان نے ٹویٹ کیا ہے کہ اس واقعے میں ہلاک ہونے والے وہ بے قصور لوگ تھے جو عید کی شاپنگ کے لیے جا رہے تھے۔
خیال رہے کہ ہلمند طالبان اور افغان سیکیورٹی فورسز کے درمیان شدید لڑائی کا مرکز رہا ہے، صوبے میں نیٹو اور افغان فورسز نے طالبان کے خلاف کئی سخت کارروائیاں بھی کیں ہیں۔
کابل: ڈپلومیٹک انکلیو میں دھماکا،90 افراد ہلاک ، 300زخمی
واضح رہےکہ گزشتہ ماہ مئی کے آخر میں دارالحکومت کابل میں جرمن سفارت خانے کے قریب کار بم دھماکے کے نتیجے میں 90 افراد ہلاک اور 400 افراد زخمی ہوگئے تھے۔