تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

برکینو فاسو میں طلبا اور تاجروں کے قافلے پر حملہ، 35 ہلاک

مغربی افریقی ملک برکینو فاسو میں اسکول بس اور تاجروں کے قافلے پر حملے میں طلبا سمیت 35 افراد ہلاک اور 37 زخمی ہوگئے۔

غیر ملکی میڈیا کے مطابق قافلے پر حملے کا واقعہ مالی اور نائیجر کی سرحدوں سے متصل شمال مشرقی ریجن ساحل میں اس وقت پیش آیا جب فوجی حسار میں تجارتی قافلہ دارالحکومت اوغادیو جارہا تھا۔

ریجن گورنر کا کہنا ہے کہ قافلے کو بورزنگا سے ڈجیبو کے درمیان سڑک کنارے نصب بم سے نشانہ بنایا گیا ہے، جس کے نتیجے میں 35 افراد ہلاک جبکہ 37 زخمی ہوگئے۔

بیان میں کہا کہ دھماکے کے فوری بعد سیکیورٹی فورسز نے علاقے کو گھیرے میں لے کر امدادی کارروائیوں کو آغاز کردیا، زخمیوں اور ہلاک ہونے والے افراد کو فوری طور پر اسپتال منتقل کیا گیا۔

دھماکے میں قافلے میں شامل ٹرکوں اور بسوں کو بھی نقصان پہنچا ہے البتہ قافلے کی حفاظت کے لیے ساتھ چلنے والے فوجی اہلکار حملے میں محفوظ رہے۔

تاحال کسی گروپ نے حملے کی ذمہ داری قبول نہیں کی ہے تاہم حکام کا کہنا ہے کہ علاقے میں حالیہ عرصہ کے دوران شدت پسند تنظیم داعش اور القاعدہ کے حملوں میں اضافہ ہوا ہے۔

Comments

- Advertisement -