تازہ ترین

امریکا: اسکول میں فائرنگ، 8 طالب علم شدید زخمی

واشنگٹن: امریکا میں ایک بار پھر فائرنگ کا واقعہ پیش آیا، مقامی اسکول میں اندھادھن فائرنگ سے 8 طالب علم شدید زخمی ہوگئے۔

تفصیلات کے مطابق امریکا کی ریاست کولوراڈو میں ایک اسکول میں دو مشتبہ افراد کی فائرنگ سے آٹھ طالب علم زخمی ہوگئے، پولیس نے بروقت کارروائی کرکے حملہ آوروں کو گرفتار کرلیا۔

غیر ملکی خبر رساں ادارے کا کہنا ہے کہ کولوراڈو میں دو مشتبہ افراد نے اسٹیم اسکول ہائی لینڈزرنچ میں فائرنگ کرکے کئی طالب علوں کو یرغمال بھی بنائے رکھا، بعد ازاں پولیس نے حملہ آوروں کو گرفتار کیا۔

پولیس نے ابتدائی طور پر انکشاف کیا ہے کہ حملہ کرنے والے دونوں طالب علم ہیں، جن میں سے ایک کی عمر 18 سال سے کم بتائی جاتی ہے، ملزمان کی شناخت جلد سامنے لائی جائے گی۔

پولیس حکام کا کہنا ہے کہ زخمی ہونے والے طالب علموں کی عمریں پندرہ سال کے لگ بھگ ہیں، جنہیں مقامی اسپتال میں طبی امداد فراہم کی جارہی ہے۔

کولوراڈو حکام نے واقعے کی شدید الفاظ میں مذمت کرتے ہوئے زخمیوں کے والدین سے گھہرے دکھ کا اظہار کیا، ان کے مطابق واقعے کی تحقیقات جاری ہے۔

امریکا، فلوریڈا اسکول فائرنگ میں ساتھیوں کی جان نہ بچانے پر افسردہ طالبہ نے خودکشی کرلی

یاد رہے کہ گذشتہ سال مئی میں امریکا کے سانٹا فے ہائی اسکول میں طالبعلم کی فائرنگ سے پاکستانی طالبہ سبیکا شیخ سمیت 10 طالبعلم جاں بحق ہوگئے تھے، بعد ازاں امریکی صدر ڈونلڈ ٹرمپ نے بھی واقعے کی شدید الفاظ میں مذمت کی تھی۔

Comments

- Advertisement -