The news is by your side.

Advertisement

کینیڈا: ٹرک نے راہ گیروں کو روند ڈالا، 9 افراد ہلاک، 16 زخمی

اوٹاوا: کینیڈا میں ایک تیز رفتار ٹرک نے سڑک کے اطراف موجود شہریوں کو کچل دیا جس کے نتیجے میں 9 افراد ہلاک اور 16 زخمی ہوگئے۔

تفصیلات کے مطابق کینیڈا کے شہر ٹورنٹو میں ایک تیز رفتار ٹرک راہگیروں پر چڑھ گیا جس کے باعث متعدد ہلاکتیں سامنے آئیں تاہم زخمیوں کو فوری طور پر اسپتال منتقل کر دیا گیا ہے جہاں انہیں طبی امداد فراہم کی جارہی ہے۔

حادثے کی خبر ملتی ہی پولیس اور امدادی ٹیمیں جائے وقوعہ پر پہنچ چکی ہیں جہاں ریسکیو کا کام جاری ہے جبکہ پولیس حکام کے مطابق ٹرک ڈرائیور کو گرفتار کر لیا گیا ہے۔

کینیڈا میں آئس ہاکی ٹیم کی بس حادثے کا شکار، 14 افراد ہلاک، متعدد زخمی

حادثے سے متعلق ابتدائی طور پر جاری کردہ بیان میں پولیس حکام کا کہنا ہے کہ حادثہ انتہائی افسوس ناک ہے اور جہاں یہ واقعہ پیش آیا ہے وہ کافی مصروف علاقہ ہے، لوگوں سے گزارش ہے کہ وہ اس علاقے میں آنے سے پرہیز کریں، علاوہ ازیں جائے وقوعہ سے کچھ فاصلے پردیگرسروسز بھی معطل کردی گئی ہیں۔

پولیس حکام کا مزید کہنا تھا کہ واقعے کے بعد ڈرائیور فرارہونے کے بجائے جائے وقوعہ سے کچھ فاصلے پر ہی موجود تھا جس کے باعث وین اوراس کے ڈرائیور کو حراست میں لے لیا گیا ہے، البتہ پولیس کی جانب سے ڈرائیور کے بارے میں مزید تفصیلات فراہم نہیں کی گئیں۔

کینیڈا میں ہیلی کاپٹر گرکرتباہ،2افراد ہلاک

دوسری جانب کینیڈا کے وزیر برائے پبلک سیفٹی کا کہنا ہے کہ یہ ایک افسوس ناک واقعہ ہے تاہم ابھی کچھ بھی کہنا قبل از وقت ہوگا، تحقیقات کے بعد ہی پتہ چلے گا کہ ڈرائیور نے ایسا کیوں کیا اور اس کے پیچھے کیا محرکات تھے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں