کوئٹہ: شارع اقبال پردھماکا، 8 افراد جاں بحق، متعدد زخمی -
The news is by your side.

Advertisement

کوئٹہ: شارع اقبال پردھماکا، 8 افراد جاں بحق، متعدد زخمی

کوئٹہ: سیکیورٹی فورسز کے قافلے کے قریب دھماکہ،تین سیکیورٹی اہلکاروں اور ایک خاتون سمیت آٹھ افراد جاں بحق ہو گئے پندرہ سے زائد زائد افراد زخمی ہوگئے،زخمی ہونے والوں میں بچے اور خواتین بھی شامل ہیں۔

کوئٹہ میں سیکیورٹی فورسز کی گاڑی شاہراہ اقبال سے گزرہی تھی کہ زوردار دھماکہ ہوگیا، دھماکہ اتنا شدید تھا کہ اردگردکا علاقہ لرز اٹھا،اردگرد کی عمارتوں کے شیشے ٹوٹ گئے، کئی گاڑیوں کو بھی شدید نقصان پہنچا۔

دھماکے کے بعدپولیس اور ایف سی اہلکاروں نے علاقے کو گھیرے میں لے لیا، آئی جی پنجاب احسن محبوب نے اے آروائی نیوز سے گفتگومیں خدشہ ظاہر کیا کہ دھماکا خود کش ہوسکتا ہے دھماکے کے بعد ریسکیو ادارے جائے وقوع پر پہنچ گئے اور زخمیوں کو سول ہسپتال کوئٹہ منتقل کردیا گیا۔

شہر کے تمام ہسپتالوں میں ایمرجنسی نافذ کردی گئی، دھماکا انتہائی زوردار تھا، جس کی آواز دور دور تک سنی گئی اور اس کی شدت سے دھماکا جس مقام پر ہوا، وہ کوئٹہ کا ایک پر ہجوم علاقہ ہے، جہاں ضلع کچہری، سیشن کورٹ اور ڈپٹی کمشنر آفس سمیت متعدد اہم عمارات اور دفاتر واقع ہیں۔

Comments

comments

یہ بھی پڑھیں