The news is by your side.

Advertisement

حیدرآباد: ہوسڑی میں ٹریفک حادثہ ‘ 10 افراد جاں بحق

حیدرآباد: ٹنڈو محمد خان روڈ پر دو گاڑیوں کے درمیان تصادم کے نتیجے میں 10 افراد جان کی بازی ہار گئے جبکہ متعدد افراد زخمی ہیں۔

تفصیلات کے مطابق ٹنڈو محمد خان روڈ پر ہوسڑی کے قریب تیز رفتار ٹرک اور وین کے درمیان ہونے والے تصادم کے باعث 10 افراد جان کی بازی ہارگئے۔

ذرائع کے مطابق حادثے میں 9 خواتین سمیت 10 افراد جاں بحق ہوئے ہیں، خواتین نجی کمپنی کی سیلز ویمن تھیں۔

حادثے میں جاں بحق افراد کی لاشیں اسپتال منتقل کردی گئی جبکہ حادثے میں زخمی ہونے والے افراد کو طبی امداد دی جا رہی ہے۔

وزیراعلیٰ سندھ نے ٹندو محمد خان روڈ حادثے میں جانی نقصان پراظہار افسوس کرتے ہوئے کمشنرحیدرآباد، ڈی سی کو متاثرین کی مدد کی ہدایت کی ہے۔

مراد علی شاہ کا کہنا ہے کہ مجھے پل پل کی رپورٹ دیتے رہیں، وزیراعلیٰ سندھ کی قریبی اسپتالوں میں ایمرجنسی نافذ کرنے کی ہدایت کی۔

سابق صدرآصف علی زرداری اور بلاول بھٹو نے حیدرآباد ٹریفک حادثے میں جاں بحق افراد کے لواحقین سے ہمدردی اور افسوس کا اظہار کیا۔

چیئرمین پیپلزپارٹی بلاول بھٹو زرداری نے کہا کہ مستقبل میں ایسے حادثات سے بچنے کے لیے اقدامات کیے جائیں، حکومت متاثرہ افراد کے لواحقین کومعاوضہ ادا کرے۔


جامشورومیں انڈس ہائی وے پرٹریفک حادثہ‘ 10 افراد جاں بحق


یاد رہے کہ گزشتہ برس 24 دسمبر کو صوبہ سندھ میں جامشورو کے قریب انڈس ہائی وے پروین اور دو مسافربسوں میں تصادم کے نتیجے میں 10 افراد جاں بحق ہوگئے تھے۔

Print Friendly, PDF & Email

Comments

comments

یہ بھی پڑھیں