راولپنڈی : انسداد دہشت گردی عدالت نے وزیراعلی خیبرپختونخوا علی امین گنڈا پور کو اشتہاری قرار دینے کی کارروائی منسوخ کر دی۔
تفصیلات کے مطابق تھانہ حسن ابدال کے جلاؤ گھیراؤ کیس میں وزیراعلی خیبرپختونخوا کے جاری وارنٹ گرفتاری اور اشتہاری قرار دینے کے معاملے پر اہم پیش رفت ہوئی۔
کیس کی سماعت انسداد دہشت گردی عدالت کے جج امجد علی شاہ نے کی، سماعت میں پشاور ہائی کورٹ کے سولہ جنوری تک علی امین کے بتیس مقدمات میں حفاظتی ضمانت کا حکم پیش کیا گیا۔
مزید پڑھیں : وزیراعلی خیبرپختونخوا اشتہاری قرار
جس کے بعد عدالت نے علی امین کے حسن ابدال کے مقدمہ میں اشتہاری قرار دینے اور دیگر وارنٹ گرفتاری منسوخ کر دیے۔
تھانہ حسن ابدال میں جلاؤ گھیراؤ کیس میں صوبہ خیبر پختونخوا کے وزیر اعلیٰ کو راولپنڈی کی انسداد دہشتگردی کی عدالت نے مسلسل عدم پیشی پر اشتہاری قرار دیا تھا۔
عدالت نے وزیراعلیٰ کے پی کا اشتہار جاری کرتے ہوئے انہیں 21 جنوری 2025 تک پیش ہونے کا حکم دیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں